Blogs

sheila romulo's picture

Langob nga Ganganga

Sa dihang gitabunan sa kangitngit

Ang langob nga ganganga

Kay baklag na kuno ang iyang ginhawa

Pagkahuman sudli og mga mangtas

Nga mga halas nga nagtsinelas

Nga nikulit og nitiltil sa iyang

Hamis nga mga ngabil

Nga karon napuno sa samad

 

Nisalig man gud siya dayun

Sa mga pulong nga nagtawag

Niya’g rayna o di kaha diyosa

Og inosente siyang nagpadayun

Sa mga abusado ug tampalasan

Nga gihulma gikan sa istorya

Gitag-an na daan nga maoy

Magmando sa tanang butang

 

Pagkahuman nila ug lugit

Sa iyang mga hiyas

Pagkahuman nila og tun-lob

Diha sa iyang tim-os nga tubig

Wa lang gani kapananghid mugawas

Og gibilin ang makalilisang nga

sheila romulo's picture

Kinsa’y ingun makililimos mi?

Bantug ba gisi among sapot

Buslot among tsinelas ug

Bulingot pa ang among dagway

Sa lubot sa kalderong

Gigabaan kay dili

manghatag ug sud-an

 

Bantug ba wa mi ligo

Di sama sa inyo nga naa pay

Ulan sa tubo ug buwa

Sa sabong ambot makatang-tang

Ba kaha sa kabaga sa buling

Nga nibara sa inyong konsensya

 

Bantug ba nga ang among pani-udto

(Aw, pani-adlaw diay kun mukaon ra’g kas-a)

Kining bukog nga salin sa inyong iro

Gigrasaha’g nagpungasi nga mga laway

Sa mga dilang naningkamot

Pagkab-ot sa nahabiling langit

 

Bisa’g ing-ani among itsura

Wa mi nangayo’g bahin sa inyong gasa

Muluhod, mukamang, mutilap

sheila romulo's picture

Nahuypan sa dili ingun nato

Naunsa na ning akong mga tudlo

Kiatan kaayo mag-ambak-ambak

Sa mga letrang nagpauraray

Nagpaabot sa ligdong duot

Arun mga pangandoy makab-ot

 

Bisan maglisud ug porma

Sa pinulungang Bisaya

Nga dakung sagpa ngano

Mas suheto pa sa Iningles

Nga gisabak gikan sa pagka-ulipon

 

Kun ang mga katiguwangan

Pay pasulti-on, siguro

Nahuypan sa dili ingun nato

Sa taga-siyudad pa

Suyup pa more!

 

Bahala sila’g hubad kung na-unsa

Bahala pud kung usa, duha ra’y

Mubasa sa akong mga putot nga balak

Basta nag-agik-gik ko sa pag-agay-ay

Sa mga pinulongang Bisaya’ng dyutay

 

Genamos_US's picture

SINULOG

 

SINULOG
By  Genamos_US of Washington DC, USA

Ang sayaw inubanan sa pag-ampo
Lakang atras abante gamay ug dako
Sa kamot ang kandila iwara-wara
Gilitok ang mga pag-ampo gitagana

Ang uban nagpiyong sa ilang mga mata
Gihalad sa Dios ang ilang mga problema
Ang uban naghilak naghangad sa langit
Na unta makuhaan ang ilang mga hagit

Gipangayo ang kalagsik sa panglawas
Mahilayo sa mga kakulian ug dimalas
Mga panata ug saad sa hilom ilang gilitok
Aron ang ilang mga kinabuhi dili samok

Adunay mga pag-ampo agig pagpasalamat
Sa grasya ug kaayohan sa kinabuhi nadawat
Kasadya ug kalipay ang tanan nag-ambahan
Nagsaulog ang Sugbo sa dakong kapistahan

HAIN NA ANG GUGMA:

Dinhi niining silong sa Kalibutan,
Kita gipakatawo aron mahimong sulondon ug buotan,
Sa pagsubang sa adlaw, ikaw akong gihanduraw,...
Tungod kay sa akong kasingkasing ikaw gipukaw.

Hain na ang gugma mong way paglubad,
Diin kaniadto imong gihalad,
Sa akong atubangan imong gipanumpaan,
Nga kamatayon lamang ang mopapas sa tanan.

Nangita ako sa usa ka lunsay ug tim-os nga gugma,
Nga diin sa kanunay imong makita kaniadto, karon ug ugma,
Ikaw nagpabilin gihapon sa akong dughan,
Bisan tuod kini usa ka kasingkasing nga samaran.

Oh! Gugma hain kana!
Dinhi ning Kalibutan ikaw gikinahanglan sa tanan,
Aron ang kalinaw sa matag usa kanato mopatigbabaw,
Ug sa kanunay sa atong kasingkasing kini dili mahanaw.

Briglau's picture

Ang Bala-od sa Pagdani

 

Ang tanan nga gusto natong buhaton ug ma-ato sa atong kinabuhi, nag gikan tanan sa gugma.

 

Kada adlaw sa matag higayon, makapili ta ug gamiton ba nato ning pagka positibong pwersa, o dili.     

 

Unsa man gani to ang atong ikahatag aning kinabuhi, ma-o say atong madawat sa atong kinabuhi. Ug ang atong ikahatag positibo, positibo sad atong madawat. Ug atong ikahatag negatibo, negatibo sad atong madawat. Bisan pag gihunahuna lang na nato o gi bati man lang gani, maayo man o da-otan, awtomatiko nang mo balik nga tukma pa sa lanog.

 

Ang gugma dili huyang, homok o gabok. Ang gugma ma-o ang positibong pwersa sa atong kinabuhi. Ang gugma ma-oy hinungdan sa tanang panghitabo nga positibo ug maayo.

 

Hangtod Kanus a

Wa ko damha nga sa kabug-at sa akong nasulti ug nabuhat

nga mga desisyon sauna

hangtod karon nagpabilin pa kining nilugdang sa akong alimpatakan

ug padayon nga nagpukaw kanako adlaw adlaw.

Unsaon ko man pagbungkag sa atong mga nahimong kagahapon

aron sa ingon mangahimo kining tipaka

ug inanay nga mangapalid ug mangabanlas

sa akong handurawan.

Ing ana ba sad di i ka kabug-at

kay hangtod karon wala man sad ka mawala?

 

 

Pulong Bisaya's picture

Nagpabilin Pa

Dili ko na malimtan, 
Ang mga naagian, 
Nagsubay ta sa dalan,
Sa atong kalibutan, 
Na puno ug gugma
ug dili na mapug-ngan.

Mga kamot hugot nakuptanay,
Kay kitang duha naghigugmaay. 
Agi-an man ug pila ka linog, 
Dili gayod kita mangatay-og.

Ang kaanyag mo nakita ko,
Tayhop sa hangin sa buhok mo,
Samtang nagtutok ko kanimo, 
Sama sa Anghel ang nakita ko.

Ikaw ang nahimo kong kusog,
Pag-atbang sa mga pagsuway.
Ikaw sa ako nagpabusog,
Ug gugma ug mga kalipay.

Bisan pa wala kana,
Hangtud karon ikaw pa,
Ang akong gihigugma, 
Ug dili na malimtan pa.

Genamos_US's picture

Ang Nagduka Nga Sapa Uban Ang Gugma

Ang Nagduka Nga Sapa Uban Ang Gugma
By Genamos_US of Washington DC, USA

Ang kalinaw miduaw sa kalibutan
Nag-awitan ang mga kalanggaman
Mga dahong laya sa daplin nangalagas
Kay gitayhop sa hangin nga lab-as

Ang bugnawng huyohoy walay sama
Linaw ang tubig na pagkatin-awa
Kay gidan-agan sa nangidhat nga adlaw 
Samtang ang pughawng langit nagtan-aw

Dili halayo sa akong panan-aw
Ang punu-an sa mangga nga lunhaw
Kaniadto gamay pa ang punu-an
Matag hapon among pagkaduawan

Sama sa hangin ang panahon milabay
Ang kausaban sa palibot ang gisaysay
Gianod ang hunahuna sa kagahapon
Didto natawo ang gugmang naulipon

Ang sapa maoy saksi sa maong gugma
Duha ka kasingkasing nga nagkahiusa
Mga bahakhak, talidhay ug katawa
Gisawhan namong duha sama sa grasya

Pulong Bisaya's picture

Walay Kasigurohan

Sa atong pagpuyo sa kalibutan,
Kada-usa ka nato may gituohan,
Sa atong pagmata kada-adlaw,
Kaugma-on nato, di matan-aw,

Kinabuhi na atong hinulman,
Wai makasiguro anus-a mahuman,
Sama sa usa ka sapa na tubigan,
Wai makasiguro anus-a mamalhan,

May kina-iya kitang gitu-ohan,
Apan, di man nato maangkon,
Gituohan ta, wai kasigurohan,
Bisan unsa kalig-on,

Wai nahibalo sa kabuntagon,
Wa kita masayod sa panahon,
Puon-an man mahurot ang dahon,
Kinibuhi nato posible iyang bawi-on,
Sa walay kasigurohan na panahon...

Syndicate content