Blogs

Dondie Labajo's picture

[143] GIHIGUGMA TIKA [143]

 

-
Tinuod na ba jud ning panghitabo-a?
or basin duwa-duwa ra?
kay kini nasad wala napud damha
ni kalit lang mura usa ra ka ginhawa

-
Sa akong pagtulog
hinaot unta nga inig mata padayong magsaulog
sa gugmang wala atha
daw hinog nga bunga sa mangga, natagak rag iyaha

-
Mga balak walay kahomanan
kay ang gibati di najud kapugngan
ug sa akong kinasing-kasing nga pag ingon
"GIHIGUGMA TIKA, banda sa mga bitoon ug dira nimo tugdon"

-
--Donz 12/06/16

 

Dondie Labajo's picture

GUGMA SA LUBNGANAN..

Akong gugma murag patayng gilubong
naagnas ug nanimaho nang kagang
pero lagi daw patay kaykayon sab ang gugmang kalansay
ug sa akong pagkaykay nahikaplagan ko ang imong dagway

-
Dagway nga daling higugmaon
mga matang gipuy-an ug mga bitoon
mga ngabil nga daw chicharon nga laming paakon
ug mga pahiyom nga madanihon

-
Madanihong batasan:
mao kana ang hinungdan
nganong ikaw ang nakaykayan
ug nganong nabuhig usab ang gugma sa lubnganan...

-
--Donz 12/06/16

#EffectsOf5

Dondie Labajo's picture

❝¿AMBOT UNSA UG NGANO NI...?❞

-
Sa pagkupot ko sa iyang mga kamot
Diha-diha ako nakalimot
daw tiguwang nga nawalas kabuot
o boang sa kadalanan nga walay saplot

-
Sa iyang makalilisang nga mga tutok
ang akong dughan kalit lang nagbutok-butok
daw kini naay kaugalingong utok
kay nang-gimaw man murag bitok

-
Sa among pagsayaw
akong kamot nang-bugnaw
Pero ang akong gipabati dili kakuyaw
kon dili ang paghinay-hinay nga pagka-amaw

-
Ambot unsa ug ngano ni
wa ko ni damha, ni kalit lang ni
daw bala sa pusil nga di malihayan
o basin gugma ni nga dili kapugngan...

--Donz 12/04/16

Dondie Labajo's picture

✍✍✍ Manunulat sa Hangin ✍✍✍

-
Ang bolpen kong nagtai-tai
mo suwat gihapon bisag bati nag agi
bisag hanap na ang mga letra
bisag ang tinta kay di na makita

-
Hinaot unta nga hatagag pagtagad
ang mga hinaguan niining akong palad
sa pagsuwat sa di masabtan
sa pagsabot sa di makit-an

-
Hatagan untag hustisya
ang pag-antos niining papela
nga hagbay nang gi kumot-kumot
sa madagmalong mga kamot

-
Apan manunulat sa hangin raman
dili nalang magdahom nga makita sa tanan
sanglit kay ang mga tawo karon mga buta
nga daw bag-ong panganak nga bata...

Genamos_US's picture

Ang Paskohanong Pangandoy

Ang Paskohanong Pangandoy
By Genamos_US of Washington DC, USA

Nitikang nasab ang mga adlaw
Padulong sa Paskohanong laraw
Ang kasadya sa matag palibot
Kay Pasko nga gayud masabot

Mga Paskohanong talan-awon
Inubanan sa awit na masanagon
Nagkalandrakas ang kolor sa siris
Ang kaanindot nila nga walay lalis

Ang mga parol nga gipangsab-ay
Sa matag bintana sa mga panimalay
Pun-an sa plastik na krismas tri
Na ang mga suga murag nagabayli

Ang mga tawo sa kadalanan nagasubwak
Mga pahiyom tam-is daw maanindot na bulak
Nagduotduot sa mga dagkong tindahan
Namili sa pangregalo para sa ilang tagaan

Kaanindot ang tanan nangandam sa Pasko
Puwera lang sa mga dili Kristiyano
Kay usab sila miduyog kanato ug mirespeto
Nagkahiusa bisag dili parehog pagtoo

Pulong Bisaya's picture

BUNTAG

Kabugbaw sa kabuntagon,
Naglisud ako ug bangon.
Kanindot na paminawon,
Palibot na malinawon.

Ang gipas-an kung bug-at,
Ning gaan sa pag-aswat,
Puno man ug kaparat,
Padayon ang paglakat.

Kinabuhi may daghang pagsuway,
Di malikayan kita magsakay,
Maunlod o mulutaw ang baybay,
Ang mga balud ra`y mupaangay.

Usahay, ako maproblemahon,
Di ko matalikdan ang panahon,
Akoa gyud silang atubangon,
Kay ako nasayud na makat-on,
Ug ako mahimong makusganon.
Sa akong bag-ong kabuntagon.

Kinabuhi

Ang kinabuhi matahom

Apan tataw man gayod nga dili kini makiangayon

Adunay pobre adunay datu

Naa ra dayon sa tao ang pagbati ug pagka kontento

 

Dili pagkakontento nga magpahabilin sa kalisdanun

Kun dili makontento sa unsa sa ang makaya sa pagkakaron

Inubanan sa pagpaningkamot, moabot raman gayud ang panahon

Diin makabati na ug kaharuhay ang tiyang niagi sa kagutmon

 

Maski anaa sa kalisod dapat magpabilin nga mapasalamaton

Kay ang kinabuhi bililhon ug ang Ginoo matinumanon

Ipasigarbo nga ikaw malipayon kay hupong ka sa gugma sa Amahan nga Langitnon

Kay wa ka Niya pasagdi ug sa lamesa aduna gihapoy pagkaon ;)

dumran's picture

Hulyeta nga kang Miyong

 

Romeo and Juliet (Act 2, Scene 2, Page 2) hubad binisaya

 

Oh Miyo, akong Miyong, nganong ikaw pa man si Miyo?

Ilimod imong amahan ug usba imong apelyido.

Kay kun dili ka, oki ra gihapon,

basta manumpa ka nga higugmaon ko,

ug ako dili na usa ka Capulet.

 

(O Romeo, Romeo! Wherefore art thou Romeo?

Deny thy father and refuse thy name.

Or, if thou wilt not, be but sworn my love,

And I’ll no longer be a Capulet.)

mi amor's picture

AKO-A RA JUD UNTA KA

"AKO-A RA JUD UNTA KA!"
(by: Emerson Pepito)

Ambot kon ngano to?
Nikalit kag biya nako
Niingon paka nga naa tay forever
Pero ikaw ang unang ni-surrender
Nanumpa paka nga di ko nimo biyaan
Naunsa ba nga sa estorya raman ka taman.

Kahibaw baka nga para kas akoa?
Pero imo kong gibaylo sa iyaha
Nganung ingon man ka ana sa akoa
Di ba di man ka ingon ana saUna?
Kahibaw baka nga para kas akoa?
Ako-a ra jud unta ka!

Nausab na jud ka!
Wa nakay feelings sa akoa.
Imong tinagdan bugnaw na kaayo
Wa na jud ko kauyon nimo
Unsa'y pagkuwang nako anha sa imoha?
Nganong niadto man kas iyaha
Paeta perting sakita
Hinaot nga ako magmata na
Sa kamatooran nga di jud mahimong kita
Kay igo ra jud kas estorya!

mi amor's picture

THE BROKEN PROMISE

"THE BROKEN PROMISE"
(by: Emerson Pepito)

I think that you will never leave me
But you broke your promise and walk away.
A promise whose word is like a butterfly
Who just flew away and never say goodbye.

A promise that is supposed to be proven,
But sad to say, you made it broken.
A promise whose word is sweet and tender.
But so ironic, it's you who said "i surrender."

Promises are made by fools like you
But only God can see my true value.

Syndicate content