Blogs

Genamos_US's picture

Ang Paskohanong Pangandoy

Ang Paskohanong Pangandoy
By Genamos_US of Washington DC, USA

Nitikang nasab ang mga adlaw
Padulong sa Paskohanong laraw
Ang kasadya sa matag palibot
Kay Pasko nga gayud masabot

Mga Paskohanong talan-awon
Inubanan sa awit na masanagon
Nagkalandrakas ang kolor sa siris
Ang kaanindot nila nga walay lalis

Ang mga parol nga gipangsab-ay
Sa matag bintana sa mga panimalay
Pun-an sa plastik na krismas tri
Na ang mga suga murag nagabayli

Ang mga tawo sa kadalanan nagasubwak
Mga pahiyom tam-is daw maanindot na bulak
Nagduotduot sa mga dagkong tindahan
Namili sa pangregalo para sa ilang tagaan

Kaanindot ang tanan nangandam sa Pasko
Puwera lang sa mga dili Kristiyano
Kay usab sila miduyog kanato ug mirespeto
Nagkahiusa bisag dili parehog pagtoo

Pulong Bisaya's picture

BUNTAG

Kabugbaw sa kabuntagon,
Naglisud ako ug bangon.
Kanindot na paminawon,
Palibot na malinawon.

Ang gipas-an kung bug-at,
Ning gaan sa pag-aswat,
Puno man ug kaparat,
Padayon ang paglakat.

Kinabuhi may daghang pagsuway,
Di malikayan kita magsakay,
Maunlod o mulutaw ang baybay,
Ang mga balud ra`y mupaangay.

Usahay, ako maproblemahon,
Di ko matalikdan ang panahon,
Akoa gyud silang atubangon,
Kay ako nasayud na makat-on,
Ug ako mahimong makusganon.
Sa akong bag-ong kabuntagon.

Kinabuhi

Ang kinabuhi matahom

Apan tataw man gayod nga dili kini makiangayon

Adunay pobre adunay datu

Naa ra dayon sa tao ang pagbati ug pagka kontento

 

Dili pagkakontento nga magpahabilin sa kalisdanun

Kun dili makontento sa unsa sa ang makaya sa pagkakaron

Inubanan sa pagpaningkamot, moabot raman gayud ang panahon

Diin makabati na ug kaharuhay ang tiyang niagi sa kagutmon

 

Maski anaa sa kalisod dapat magpabilin nga mapasalamaton

Kay ang kinabuhi bililhon ug ang Ginoo matinumanon

Ipasigarbo nga ikaw malipayon kay hupong ka sa gugma sa Amahan nga Langitnon

Kay wa ka Niya pasagdi ug sa lamesa aduna gihapoy pagkaon ;)

dumran's picture

Hulyeta nga kang Miyong

 

Romeo and Juliet (Act 2, Scene 2, Page 2) hubad binisaya

 

Oh Miyo, akong Miyong, nganong ikaw pa man si Miyo?

Ilimod imong amahan ug usba imong apelyido.

Kay kun dili ka, oki ra gihapon,

basta manumpa ka nga higugmaon ko,

ug ako dili na usa ka Capulet.

 

(O Romeo, Romeo! Wherefore art thou Romeo?

Deny thy father and refuse thy name.

Or, if thou wilt not, be but sworn my love,

And I’ll no longer be a Capulet.)

mi amor's picture

AKO-A RA JUD UNTA KA

"AKO-A RA JUD UNTA KA!"
(by: Emerson Pepito)

Ambot kon ngano to?
Nikalit kag biya nako
Niingon paka nga naa tay forever
Pero ikaw ang unang ni-surrender
Nanumpa paka nga di ko nimo biyaan
Naunsa ba nga sa estorya raman ka taman.

Kahibaw baka nga para kas akoa?
Pero imo kong gibaylo sa iyaha
Nganung ingon man ka ana sa akoa
Di ba di man ka ingon ana saUna?
Kahibaw baka nga para kas akoa?
Ako-a ra jud unta ka!

Nausab na jud ka!
Wa nakay feelings sa akoa.
Imong tinagdan bugnaw na kaayo
Wa na jud ko kauyon nimo
Unsa'y pagkuwang nako anha sa imoha?
Nganong niadto man kas iyaha
Paeta perting sakita
Hinaot nga ako magmata na
Sa kamatooran nga di jud mahimong kita
Kay igo ra jud kas estorya!

mi amor's picture

THE BROKEN PROMISE

"THE BROKEN PROMISE"
(by: Emerson Pepito)

I think that you will never leave me
But you broke your promise and walk away.
A promise whose word is like a butterfly
Who just flew away and never say goodbye.

A promise that is supposed to be proven,
But sad to say, you made it broken.
A promise whose word is sweet and tender.
But so ironic, it's you who said "i surrender."

Promises are made by fools like you
But only God can see my true value.

great_444's picture

KUNG

KUNG

IF ni Rudyard Kipling

(Hubad binisaya)

 

Kung makahupot ka sa imong galamhan kun ang tanan kanimo

Kay nawad-an na sa ila ug mga pasangil gipahid sa imo,

Kung makasalig ka sa kaugalingon kun wala nay salig ang mga tawo,

Apan masabtan mo ang maduhaduhaon nilang pagtoo;

Kung makapaabot ka ug sa paghulat di ka mabudlay ni mapul-an,

O bisan pa ikaw gitumutumo-an, sa mga bakak di ka manginlabot

O bisan pa ikaw gikasilagan, dili ka motugyan sa kapungot,

Galing, di ka makita nga labing maayo ni motabi nga may labing kinaadman.

 

Kung ikaw makadamgo -- apan dili mo agalon ang mga damgo;

Kung ikaw makapinsar -- apan dili mo tungdanan ang mga pinsaminto;

mi amor's picture

KALAGKALAG

Kalagkalag. Tingduaw sa atong mga pinalangga og mahigugmaon natong kaliwat didto sa ilang tagsa-tagsa ka mga sam-ang nga nitaliwan nas laeng kalibutan. Og mao pud ni ang panahon sa tingdakot. Maong dagkotan og e.ampo nato ang ilang mga kalag nga mahiluna sila sa ilang padulngan og e.apil nalang pud nako ang akong Gugma diha nimo nga dugay nang nipanaw.

Genamos_US's picture

KAMINGAW SA KAHAPONON

KAMINGAW SA KAHAPONON
By Genamos_US of Washington DC, USA

Malandong nga kahaponon puno sa kalaay
Gikapoy naghigda sa kawayan kung lantay
Ang bugnawng hinuyohoy sa bintana milabay
Samtang ang kamingaw sa palibot misakay 

Wala ko masabti ang kamingaw nagpasulabi
Gihungit sa hunahuna ang kakapoy nagbayli
Mga mata gipiyong giganoy sa katulogon
Apan gihawiran sa di ko masabtan na emosyon

Gihiling ko sa kaugalingon ang hinungdan
Kon kining kabalisa angay ko lang pasagdan
Matugkad ko man ang hinungdan dili igsapayan
Kay bunga lang kini sa nag-inusarang dughan

Inanay kung giwala sa akong panumduman
Aron mabatunan ko ang kalinaw ning dughan
Hinginlan ko man kining kabalaka nagduladula
Nagpadayon nagpasulabi sa naglibog kung hunahuna 

great_444's picture

ATiKa

Aguy! Intawon nalang unsaon, 
Atik lang ba kini nga palabyon?
Inday di ko na ni iloum pag antuson
Sa dughan ko ikaw nagmalampuson.

Kon aninawon ko mga nanglabayng higayon
Mga gutlong ikaw ang kuyog akong balikon
Ug kang Bathala tiunayng nagmanghinauton
Nga unta kitang duha mag-uban nasab puhon.

Inday sa pagtupad kanimo ako gihidlaw
Nangandoy bisan man lang sa dyip kaw motumaw
Ug magsakay tang mangadto maglingaw-lingaw,
Gihulat ko gayud ang hitabo, hastang kasi-aw!

Naunsa na ba ug ngano ni?
Sa yuhom ug ngisi mo ako nadani
Ug sa dayag nga kaanyag mong mibathay
Din-a kapugngan, gibati mobuhagay!

Hitsura nga daw rosas malimpuwahon
Mga mata mo kon mokidhat daw bitoon
Lulot mong mga ngabil sa halok madanihon
Saon ko ba nga sa dughan mo magmadaugon?

Syndicate content