Blogs

Dondie Labajo's picture

Ayaw, Kay Di Lalim!

Di ko duwaan
Nga imo rang duolon kon ikaw gilaayan
Busa ayaw, akong hangyo nimo,
ayaw dayuna ang imong pagduwa-duwa kanako

Sa imong makailad nga mga kamot, sakong ngalan ako maka limot
Usa ka kumot, mamahimo akong robot
Apan ayaw, akong hangyo nimo,
Ayaw na nako’g ilara kung mamahimo.

Ayaw ako’g saaga sa imong mainit nga totok
Kay basin unya’g akong utok mag tuyok-tuyok
Apan ayaw, akong hangyo nimo,
Ayaw kog patuyok-tuyoka sama sa yoyo

Ayaw na, mao ray hangyo ko sa imo
Ayaw kog duwa-duwa-i
Ayaw kog ilara
Ayaw kog patuyok-tuyoka

Kay di lalim.

Dondie Labajo's picture

SALAMAT

Wa ko gyud damha ning panghitaboa–
Nga makauban tika
Nga malili ko ang imong mga mata
Nga sa mga bukton mo, ako makahigda
Dayong hapyod mo sa akong mga kabalaka
Hangtod sa ako makahinanok
Ug maabtan sa toktogaok sa manok
Unya sa pagmata anaa gihapon imong kamot ibabaw sa akong buhok
Nga gihapnay sa imong abaga nga sa kapoypoy wala gyud mi tiyaok…

Tuod, adunay linya sa tunga kanatong duha
Apan mi takingking ka sa walay pagduhaduha
Aron labangon ang tunok sa gugma
Ug gakson ang risgo nga mao ra’y akong dala

Apan wala mo gipabati sa akoa
Nga ako mao ra…
Kay sa tanang higayong mag-uban kita
Ipabati mo nga walay kulang sa akoa

Dondie Labajo's picture

UG ANIA NAKA, LANGGA!

Ug ania naka!
Wa ko damha ang imong presensya
Pipila na pud ka adlaw ang milabay sukad ikaw nahisalaag
Apan mibalik ka sama sa iro nga niuli gikan sa paglaag
Ug bitbit mo ang bukog sa kinabuhi–
Gugma

Pagkaanindot sa pamati
Nga mahanduraw ko pag-usab ang imong katakus
Iputos ako sa imong katam-is
Ug dad-on ko ikaw sa himaya
Sama sa ka-ka, kita magbinukotay
Lakdap-lakdap pud ginagmay
Para dili magmika kining atong balay!

Ug ania na usab ang makalilisang mong tutok
Sa imong mga mata ako daw sama sa nahisalaag nga turista
Puno sa katingala, kay kon nganong napalibutan ako’g mga bituon
Nga too ko’g tuas kalangitan, ania man diay sa imong kahingpitan
Ug ako bulahan
Nga makasaksi sa kaanyag sa imong mata
Nga madanihon, ug nagpangidlap bisan paman sa kangitngit

Dondie Labajo's picture

DASIG!

Motindog ang gidaogdaog
Makigbisog ang nahutda’g kusog
Kay ang kinabuhi adunay hustisya 
Kung kita di mo buhi sa pagtoo Kaniya

Magmata na unta kita
Aron ato nang makita ang maayong balita
Nga adunay kaayuhan para kanatong tanan
Didto sa tunghaan, diin kalipay ra maoy atong makauban

Maong taliwala sa atong mga kahuyang
Di unta mawala ang kadasig nga makapakugang
Kita padayong magtimbayayong para’s kauswagan
Sa maayong buhat ug pulong, kini atong barugan!

Lakaw, ayaw kana ihikaw
Lupad, ayaw pugngi ang imong palad
Langoy, bugsaya ang imong kakapoy
Kon magkalisod kamang, basta ayaw lang gyud og undang!

Genamos_US's picture

Didto Sa Baylehan

Didto Sa Baylehan 
By Genamos_US of Washington, D.C., USA

Nasalaag ako sa dakong sayaw
Naglam-om wala ka pa makalakaw
Nangita sa dakong kahigayonan 
Maisayaw ka sa ibabaw ning kalibutan

Apan adunay pa ako'y laing tuyo
Ning dughan ko naglibog sa kadako
Gipangita ko ikaw ning kagabhion 
Aron ipabati ning dughan maulawon

Apan napakyas ang akong mga mata
Wala ko ikaw igkita kon asa man ka
Nasagmoyo uban ang bulak kung gidala
Napalaw sa akong tinguha na wala ka

Kaanindot unta kon ikaw akong naistorya
Aron matubag nimo ang akong mga pangutana 
Ipabati ko unta ang gugma kung ihalad
Nanghinaot imong dawaton akong ipanaad

Wangan's picture

Duna, Ni.a, Na.a

Duna[pungway] - matang sa butang nga na.a, apan dili makit.an sa mata.
Pananglitan;

  • "Dunay paglaom."
  • "Duna ka bay mga pangutana bahin ni.ining panalugdo sa atoang pinulongan karon?"
  • "Duna pa baya kay utang nako diri, unya mangutang na sad ka?"
  • "Sunod nga pitlaw sa Dumason na.ay pagbansaybansay sa culinary arts alang sa katong dunay kaikag nga magluto."

Pagabantayi nga dili magamit ug sayop ang pulong nga ni.a kabahin ni.ini.
 

What is the Philosophy of Technology? - Andrew Feenberg Translated into Bisaya

 

What is Philosophy of Technology?

Andrew Feenberg, Japan lecture transcript June 2003

[Translated]

 

PREVIEW

Ang panulun-an nato karong adlawa kay ang pilosopiya sa teknolohiya. Akong histuryaan ang kining panulun-anan gumikan sa duha ka panan-awan. Sugod una ang kasaysayan ug sunod dayun akong tan-awon ang mga katalidunganang opsyon sa kaasdangan, ug ang mga nagalain-laing teorya nga sa pagkakaron sakop sa panaghisgot.

Wangan's picture

Kalahi.an sa 'basin' ug 'tingali'

Kining duha ka pulong amgid ra ni sila, apan lahi ang matang sa panggamit niini. Pananglitan;

Unsaon ang Spell Checker

Maayong adlaw sir/mam, 

Mangutana lang unta ko og unsaon paggamit sa "Spell Checker" kay di ko kama-a ani. Ako untang gamiton para ma-check ang akong gipangtranslate kay basi daghan ko mali o basi naa paay mas maayo nga suggestion. O basi naa moy laing ideya nga mas maayong buhaton via on line.

Salamat.

lorrainey's picture

Daghang Salamat Creator & Admin

Dako kaayo akong pasalamat sa naghimo og nagmintinar an na website.

Mao ni akong experience why I'm grateful.  Naay ni abot na usa ka pamilyang Amerikanong misyonaryo sa simbahan kung asa ko ng attend didto sa amo, sa Dumaguete City, nga na amigo nako.  Gi imbitar ko nila sa ilang misyon sa usa ka munisipyo, dayon gi hangyo ko nila na tudlo-an nako sila sa pagsulti og binisaya og mo translate pud sa pulong sa Ginoo na ilang ginatudlo.

Gi dawat nako ilang imbitasyon pero pagsugod nakog tuon sa binisaya as a language, na diskubre nako unsa ka mabaw akong knowledge sa actual na Bisayan language.  Komportable ko mo storya og binisaya pero sa pagsulat, pagtudlo og translate from English to Bisaya na ma sabtan nila og sa mga tawo, nglisod kaayo ko.  Sukad man gud ko ng skwela, puro English ang medium of conversation/teaching.

Syndicate content