Blogs

Greetings!

Hello! Hi!

Bisaya daw.

Can any please translate this for me to english it is ether visayan or Tagalog

hello! let,msta u na?c william etac to sana kilala u pa ako....

let msta u na?c william etac to,sana kilala mopa ako?dalawa na pla anak mo ngaun,at ang yaman muna...sana magkita pa tau ulit bilang magkaibigang kong tatangapin mo ako bilang kaibigan mo...ingatan u lage ang sarili mo jan kong asan u man ngaun...at salamat na minsan naging bahage ako ng buhay mo,hinding hindi kita makakalimotan babes....

bienunido's picture

Pagadayan-dayanan sa Kalampusan

Kanus-a man nato makab-ot ang kalampusan?

Kon makahuman na kita’g tungha sa eskwelahan?

O kon makakita na kita’g maayong trabahoan?

O kon naa na ang tanang panginahanglan?

 

Lisod kayo nato kab-oton ang kadaugan

Nga atong gipangandoy sukad pa sa sinugdan

Daghang mga kalisdanan, mga kapaitan

Ug mga kapukanan nga atong mahinagbuan.

 

Apan dili ta angay mawad-an og paglaum

Kay ang Ginoo dili mobiya, anaa lang gihapon

Bisan pa man sa unos ug panganod nga nagdagitom.

 

Dili unta kita mawad-an og pagsalig

Kay naa man Siya, priming nagadasig

Pero tungod sa atong pagkatawhanon

Iyang balaang tingog, dili nato paminawon.

 

Sa unang higayon, kalampusan dili matagamtaman

Kay atong makita mao lamang ang kapunawpunawan

tontonekocienrafa85@yahoo.com's picture

Adlawng Gihimugso

Puti ang kahayag, madag umon ang panganud, nitulo, nidagayday ang gamayng tubig ulan sa guba kung sandayung. Gibisbisan ang mga gagmayng tanum arun pa inumun ang gi uhaw nga laya na mga dahun.

Nipahiyum ko nga nagtanaw sa kasikas sa tubig arun batiun ang mabugnaw nga huyuhuy sa hangin. nisiga ang mata dihang managsagul ang init ug kabugnaw sa panahon.

Gipahinumduman diay ko atung adlawa nga nahimugso ko sa ting init. Ingun nga dako kung pasalamat sa Ginoo nga gitagaan pa ako niya ug dakung gasa sa kinabuhi.

 

Dr. Massy Yuhuy

 

Inquiry lang

Akong madunggan diha sa balita sa radyo ug bisayang tv channel o kaha mabasa sa mga newspaper ang word nga pagbuno, gibuno, mamumuno. Unsa diay gyod ang meaning sa pagbuno? Duna ba ni kalainan sa pagpatay? Diha sa mga balita man gyod maoy kasagarang gigamit ang "gibuno" o "pagbuno" o mamumuno. Gusto ra kong masayod sa saktong gamit sa pulong nga pagbuno.

jhellingman's picture

Cebuano Dictionary App for Android available

I've finally made my Cebuano Dictionary App for Android available. It can be downloaded for free from the Google Play store (https://play.google.com/store/apps/details?id=ph.bohol.dictionaryapp).

All comments and remarks are welcome. Note that this app wraps an interface around the data of John U. Wolff's Dictionary of Cebuano Visayan, which was published in 1972, based on a complete survey of the language between 1966 and 1972. It contains sample sentences for many words, which makes it a great learning tool (once you got used to its non-standard orthography, which uses only the vowels, a, i, and u.)

DUHA KA TARAS SA SALABOTAN

Jose D. Clepidio

 

I

            Pinasikad sa atong kasinatian, adunay duha ka nanag-atbang nga butang. Pananglitan: hayag ug kangitngit; adlaw ug gabii; silangan ug kasadpan; positib ug negatib; kinabuhi ug kamatayon; ug uban pa.

            Kon mopatighulog ta ngari sa tawo, atong makita nga ang tawo maoy labing labaw sa tanang mga binuhat. Tungod kini sa salabotan sa tawo; sa tanang mga binuhat sa Dios, ang tawo lamang maoy adunay katakos sa salabotan: katakos sa pagpangrason – katakos sa pag-ila unsay husto, unsay sayop; unsay matarong, unsay daotan.

            Ug kon siksikon pa gayod ang salabotan sa tawo, ato usang makita nga aduna kiniy duha ka taras. Kun, adunay duha ka nanag-atbang nga taras ang salabotan.

Josefwintzent Libot's picture

BALAK OK2412 ug NO2412

BUDHI   (October 24, 2012)

 

tanlag mo

walay kukaikog

mitugot

dagiton

sa hinoyohoy

ang kinuptanan ta

 

lampos man

nahipalaom mo

kasayang

pakyas man lang

unsaon pa

may lain kang hari

 

budhi ba

diay ang sukli

pag-unong

usik lang

kagahapon na

ang karon

ug kanhiayng ugma

 

 

 

November 24, 2012

 

mga batang hubô

nanagduragandagan

didto adtong posong

màoy kukaligòan

 

Josefwintzent Libot's picture

Bohol Day of Peace

Modangat pa unta'ng kalinaw
Ug mag-abag kong sugdan ni;
Modangat na unta'ng kalinaw
Kanang kalinaw nga di mini.

Di ba amahan ta ang Ginoo?
Nan tanan ta managsuon;
Mari ka akong igsuon,
Alimon ta'ng mga kasilo.

Sugdan ko na unta'ng kalinaw
Di kay ugma, karon na karon!
Sa nabilin kong mga adlaw,
K'ing gipanumpa ko tumanon:

Nga magpuyong mahigugmaon,
Di na bungol sa nanagtuaw;
Modangat na unta'ng kalinaw
Ug sugdan ko na ni dayon ron.

Genamos_US's picture

Dungga Ang Among Mga Pag-ampo Senyor Santo Niño

Dungga Ang Among Mga Pag-ampo Senyor Santo Niño
By Genamos_US of Washington DC, USA

O Senyor Santo Niño, naga-ampo kami kanimo
Ilawom ning dughan nangayo kami og pasaylo
Ikaw ang among tingpanalipod ug kadangpan
Sa among mga suliran ug sa mga kalisdanan

Ikaw ang among Patron ning among dakbayan
Sa Sugbu, sa Pilipinas ug sa tibook kalibutan
Ikaw gayud ang milagrosong imahe nga balaan
Sapwanga ang among kinabuhi ug kanimo itugyan

Tan-awa kining among mga kasingkasing O Ginoo
Na makalikay sa mga katalagman ug mga peligro
Lamdagi kining among mga hunahuna sa kanunay
Sa pagbuhat og maayo ug sa kasaypanan mahalikay

Tagai kami sa igong kabaskog sa matag adlaw
Aron ipadayon namo ang Imong pagbuot ug laraw
Ayaw kalimti ang among mga tagsatagsa ka pamilya
Nga nagaampo Kanimo Sa Imong proteksyon ug grasya

Syndicate content