Naglakaw'ng way saplot
wala nay kabuot
nangita na'g gubot
magstorya nag' bot-bot
kung sabyan, mosamot
kung suphon, mapungot
demonyo maglagot
gakayo ang kamot
kay gidali'g hurot
kabayong gisingot
ang bulsa nabuslot
hubog na ang piskot!

"Hubog na ang Piskot!"
-Donz 07/20/17

Nakita ko na ang dalan
paingon's kamatuoran
nga labong murag daruhan
apan, dagha'g apan-apan
simbolo sa kagawasan--
paglayat's wa'y kahumanan
atong pagahinumduman
sa pag-abot's paingnanan
mahanaw ang tanan-tanan
mabilin ang kasayuran
nga ang dalan naa's dughan.

"Ang Dalan"
-Donz 07/20/17

Ang pu'ng nga Duwal nag gikan kini sa english word DUAL, i.e. consisting of two parts or aspects. Kaniadtong panahon sa ikaduhang gubat sa kalibutan, dinhi sa atong nasod nag dala ang mga sundawo sa amerika ug mga ekipo aron pakig gubat sa hapon. Usa ka ekipo o sakyanan mao ang Jeep nga mao karon gi sundan sa mga pang pasaheroan nga dyip nga bantog sa tibuok kalibutan. Ang kining Jeep duna kiniy 

Ang Gugma mura ug  Pagskwela kinahanglan tang masakitan para na tay MAKAT-ONAN.

Hatagi pud kog bili kay naa koy kasingkasing nga masakitan ug sigihon nimo pirmi!

Mag ka problema man gani ang sound sytem, GUGMA pakaha?

Ingon ka dili nimo kaya ug wala siya, Hinumdumi kinahanglan pud kag tubig, hangin, kahag ug kangit-ngit.

Ayaw nag lanta ui , pasagdi kay gipasakitan naman ka niya pirmi. 

Kung dili ka ganahan nga MAPAIT ko , hatagi pud kog KATAM-IS =Kape Hugot

Ayaw pa kampante kay dili ra ikaw ang iyang gimahal maong pagpuyo!

Ang espadang duhay-ngilit gikuptan
hait man unta apan natay-an
dinunggab sa mga dili sad-an
apan tan-awa kinsay pa'y naduslakan?

Ang bulawanong timbangan
timbang-timbangon ang tanan
pero nganong walay gramo ang mga taw'ng nagbangutan?
maayo pag ipatimbang na! naa pay kapuslanan!

Mga matang gipatabunan
wala na'y laing makit-an
kangit-ngit ras' kalibutan
buta nas' kahayag ug sa kamatuoran

Balaod alang sa katawhan
mao untay maghata'g kaayuhan
ug maoy dalangpan sa mga luhaan
apan sayri, gitiklo niini ang kagawasan

Kalooy sa mga nadakpan
gipriso nga walay kasal-anan
gidaog-daog lang sa prisohan
labi nag ang sentensya "pagkapriso sa kahangturan"

Hustisya, kinsa pamay among duolan?

Ako ang imit nga kalibutan
diri kana hikaplagan ang kinopya sa tanan
ang ilusyon ug ang kamatuoran
akong doblehon apan dili pun-an

Ako ang ika-upat nga mata
kanako lamang masayran ang mga buta mong mga mata--
libat ang una ug ikaduha
ang ikatulo dili pud mo buka

Usa ra ang akong gahom
kana ang pagpakita sa imong katahom
ug usahay masina ako kaninyong mga adunay dagway
kay ako bildo rang mabuak ug iglalabay

O, ako si Samin
kaninyo nagpapansin
hinaot nga inyong napalaminan
nga kamo bulahan sa tanang binuhat sa kalibutan...

--Donz 05/24/17

#Mirror ;) 

Takna sa kamingaw

dunay mabating hagawhaw

mga singgit sa kagahapon

ug mga hunghong sa umaabot puhon

Ang huros sa hangin

manggitik daw gusto magpapansin

ug ang mga bato sa langit

nagapangidlap daw naay gustong ipaambit

Pero adunay utlanan ang tanan

nahanaw ang mga tingog sa'kong dunggan

gitapos sa hangin ang iyang pakighinabi kanako

ug ang bato nahimo nang aso.

Inday, sa imong pahiyom 
wala ako magdahom
nga ako manglagom 
wala mamuwa, kay ako itom.

Usahay rani nako masinati 
Ang makaboang nga gibati 
kay kanimo inday 
nakita ko ang tinuod nga kalipay

Walay kahumanan lagubo ning dughan 
basta ikaw akong makit-an 
"togdog, togdog" mao ra gayuy madunggan 
Kalami sakong gibati, di najud mapugngan.

Sauna ikaw usa rajud ka pangandoy 
nga mamahimo kang dahon sa'kong layang kahoy 
apan karon, ikaw na'ng unggoy sa'kong kasagingan;
ang apan-apan sa'kong lunhaw'ng daruhan.

Relasyon? Gatoo kog yano-yano rani 
sama sa pagkaon og mani 
pero lisod pa diay's paghigop og init nga sikwati 
Busa inday, magtinabangay gayud ta ani.

Abi 'nako'g Bisayà 'ning "katol". Hinapon man di.ay! Naglantaw 'ko ug Learn 125 Intermediate Japanese Words with Risa! Japanese Vocabulary ungyà ang tawag 'niya sa "mosquito repelling incense" kay 蚊取り線香 (katori senkou). Naka.ingon 'ko nga, "Kajut lang... katori senkou... katol. Na.a ba 'ni'y kasumpayan 'ning duha?" Una 'nakong gipangità diri sa binisaya.com ug ma.o 'ni'y nalungkab:

usa ka kapoy nga butang :)

ang mga intern sa ABS-CBN nag sige ug translate sa mga butang nga lisud kaayong dawaton sa ilang mga dalunggan. Mahitungod kini sa mga sugo kanila aron naa pud silay eksperhensya mahitungod sa pag translate. Bisag perti na ka walay sense ilang ginapang translate, sige lang gihapon silag translate ug mga word by word nga context.

Oh papel nga may tawo, napuno ka sa balaan nga numero

Ginapaabot ka namo sa petsa Kinse ug Trayta y uno

Ikaw lamang ang bugtong sulbad aron ma patiran sa pula'ng kabayo

Oh papel nga may tawo, maga gool gayod kami

Labi na kung mahimo kanang puthaw nga may ulo sa among bayani

Sa among mga bulsa naga bagting, igo na lang ika baylo ug mani

Ang plano namo nga paabton ka ug byernes

Nganong kalit ka lang nahanaw pag martes?

Wala lang ba mi malipat?

Oh papel, maayo paka permanente nga may tawo

Apan kaming mga tawo, panalagsa ra nga mga kupot kanimo

(Pwera lang sa mga tihik ug kusog mag tipid)  oh!