Blogs

rjadane's picture

SUGBO

               SUGBO

O Sugbo, sa Kristiyanismo ikaw gibunyagan
Pinaagi ni Sto. Niño nga balaan
Gipanguluhan ni Magellan
Bisan pa sa kalapad sa Kadagatan

Ikaw gipanalipdan sa batang balaan
Kada Enero ikaw ginahalaran
Mga deboto ikaw giampoan ug gipasidunggan
Sugbo nga Pinangga among gihandom ang imung kalamboan

 

composed by:

rjadane2016

Genamos_US's picture

Hain kana O Gugma?

Hain kana O Gugma?
By Genamos_US of Washington DC, USA

O hain ka man nga gitawag na gugma?
Gipangita sa matag suok nga way sama
Daghan nang milabay nga mga katuigan
Malisod ikaw nga akong mahikaplagan

Sama sa maidlas nga bangaw sa langit
Kadali rang mahanaw ug way panamilit
Ang gugma kuno susama sa usa ka bulawan
Magpabilin masiga ang silaw sa katuigan

Apan matud sa uban ang gugma kuno tam-is
Kon masagol sa tim-os mong gibati iparis
Walay makapugong kon usa ang mohawid
Magpabilin lunsay kon unsay bati ipahid

Apan ngano man ang uban wala man makakita?
Sa gugmang gilauman sa katuigan nadismaya
Mga pagsulay ug hagit daghan ang nalambigit
Pun-an pa sa mga kasilag, hilak ug kasakit

Pulong Bisaya's picture

PINILIAY

Hapit na usab muabot,
Ang panahon sa paglibot-libot,
Aron mga tawo ilang makab-ot,
Pinaagi sa ilang pag pamotbot.

Ang panahon sa piniliay,
Ayaw'g padala sa mga pasumbigay,
Aron ma unhan ang pagmahay,
Na atong napili, sayop diay.

Kung taas pa ang panahon,
Na sila atoang ilhon,
Ug ato silang sutaon,
kung angayan ba sila atong
pilion,
Sa umaabot na eleksyon.

Ayaw padani sa kahumot,
Apan hugaw ang mga kamot,
Balika ang gipangdaot,
Kung natul-id ba ang nangagubot.

Tan-awa kung unsa ang nabuhat,
Ayaw'g patakag panagat,
Susiha kung asa ang mas bug-at?
Lider na atong naandan, 
Apan walay kausaban? O,
Sa lider na wala nato maandan,
Apan atong nasayran ang kalambuan,
Sa lugar na iyang gipanguluha...

#DU30

 

 

arthurio dominador's picture

kang libakerang bakekang

Di na gani ka hitsuraan,

Ngil.ad pa jud kag batasan.

Siguro gipanganak sa liking kawayan,

Perpekto jud kayo kang ihulagway sa taong pasayan!

Wa ko kabalo ngano kusog kayo ka manglibak

Wa ka nagtan.aw sa imohang nawng,

murag lubot sa baso na buak!

Buhatbuhat jud estorya aron ingnun lang na kuyaw

Estoryang bakak, wa jud tawn naulaw!

Sa sobra nimo ka libakera

suki kayo ka sa karma!

Kusog kaayo mag hinilas,

nawng pa imoy murag hudas!

makasurok ug dugo imhang binuhatan

mao ng di jud ka angay pamarisan,

bantog rang way tao sa imoha n mupatol

kay isa ka adlaw pa lang sa kiliran, lupig pay gipatol!

talikala

sa akong pag suksuk sa lawm ug ngitngit nga suok,

kalit kang mipatim aw sama sa bidlisiw sa adlaw

ug midan-ag kanako ang imong tam is nga pulong

ug daw nihapuhap sa akong dughan nga nagmagul anon,

ug sa akong pag haw as nadawat ko ang kasuguan mong daw sa talikala

nga migakos ug mibalibod sa akong kasingkasing.

sheila romulo's picture

Langob nga Ganganga

Sa dihang gitabunan sa kangitngit

Ang langob nga ganganga

Kay baklag na kuno ang iyang ginhawa

Pagkahuman sudli og mga mangtas

Nga mga halas nga nagtsinelas

Nga nikulit og nitiltil sa iyang

Hamis nga mga ngabil

Nga karon napuno sa samad

 

Nisalig man gud siya dayun

Sa mga pulong nga nagtawag

Niya’g rayna o di kaha diyosa

Og inosente siyang nagpadayun

Sa mga abusado ug tampalasan

Nga gihulma gikan sa istorya

Gitag-an na daan nga maoy

Magmando sa tanang butang

 

Pagkahuman nila ug lugit

Sa iyang mga hiyas

Pagkahuman nila og tun-lob

Diha sa iyang tim-os nga tubig

Wa lang gani kapananghid mugawas

Og gibilin ang makalilisang nga

sheila romulo's picture

Kinsa’y ingun makililimos mi?

Bantug ba gisi among sapot

Buslot among tsinelas ug

Bulingot pa ang among dagway

Sa lubot sa kalderong

Gigabaan kay dili

manghatag ug sud-an

 

Bantug ba wa mi ligo

Di sama sa inyo nga naa pay

Ulan sa tubo ug buwa

Sa sabong ambot makatang-tang

Ba kaha sa kabaga sa buling

Nga nibara sa inyong konsensya

 

Bantug ba nga ang among pani-udto

(Aw, pani-adlaw diay kun mukaon ra’g kas-a)

Kining bukog nga salin sa inyong iro

Gigrasaha’g nagpungasi nga mga laway

Sa mga dilang naningkamot

Pagkab-ot sa nahabiling langit

 

Bisa’g ing-ani among itsura

Wa mi nangayo’g bahin sa inyong gasa

Muluhod, mukamang, mutilap

sheila romulo's picture

Nahuypan sa dili ingun nato

Naunsa na ning akong mga tudlo

Kiatan kaayo mag-ambak-ambak

Sa mga letrang nagpauraray

Nagpaabot sa ligdong duot

Arun mga pangandoy makab-ot

 

Bisan maglisud ug porma

Sa pinulungang Bisaya

Nga dakung sagpa ngano

Mas suheto pa sa Iningles

Nga gisabak gikan sa pagka-ulipon

 

Kun ang mga katiguwangan

Pay pasulti-on, siguro

Nahuypan sa dili ingun nato

Sa taga-siyudad pa

Suyup pa more!

 

Bahala sila’g hubad kung na-unsa

Bahala pud kung usa, duha ra’y

Mubasa sa akong mga putot nga balak

Basta nag-agik-gik ko sa pag-agay-ay

Sa mga pinulongang Bisaya’ng dyutay

 

Genamos_US's picture

SINULOG

 

SINULOG
By  Genamos_US of Washington DC, USA

Ang sayaw inubanan sa pag-ampo
Lakang atras abante gamay ug dako
Sa kamot ang kandila iwara-wara
Gilitok ang mga pag-ampo gitagana

Ang uban nagpiyong sa ilang mga mata
Gihalad sa Dios ang ilang mga problema
Ang uban naghilak naghangad sa langit
Na unta makuhaan ang ilang mga hagit

Gipangayo ang kalagsik sa panglawas
Mahilayo sa mga kakulian ug dimalas
Mga panata ug saad sa hilom ilang gilitok
Aron ang ilang mga kinabuhi dili samok

Adunay mga pag-ampo agig pagpasalamat
Sa grasya ug kaayohan sa kinabuhi nadawat
Kasadya ug kalipay ang tanan nag-ambahan
Nagsaulog ang Sugbo sa dakong kapistahan

HAIN NA ANG GUGMA:

Dinhi niining silong sa Kalibutan,
Kita gipakatawo aron mahimong sulondon ug buotan,
Sa pagsubang sa adlaw, ikaw akong gihanduraw,...
Tungod kay sa akong kasingkasing ikaw gipukaw.

Hain na ang gugma mong way paglubad,
Diin kaniadto imong gihalad,
Sa akong atubangan imong gipanumpaan,
Nga kamatayon lamang ang mopapas sa tanan.

Nangita ako sa usa ka lunsay ug tim-os nga gugma,
Nga diin sa kanunay imong makita kaniadto, karon ug ugma,
Ikaw nagpabilin gihapon sa akong dughan,
Bisan tuod kini usa ka kasingkasing nga samaran.

Oh! Gugma hain kana!
Dinhi ning Kalibutan ikaw gikinahanglan sa tanan,
Aron ang kalinaw sa matag usa kanato mopatigbabaw,
Ug sa kanunay sa atong kasingkasing kini dili mahanaw.

Syndicate content