Bag-ong gugma

Sa kaugalingon dugay na nga nagpangutana,
Kon makabati pa ba intawon ko ug gugma.
Niabot tingali kining bayhana,
Para mahibaloan ta.
 
Babayeng lahi,
Ikaw na gayod ba?
Sa kasingkasing bida,
Pero ang utok labing kontra,
Sus, ako naglibog na.
 
Lahi ka sa akong mga kagahapon,
Mao nga ako nahadlok sa atong kaugmaon,
Utok kayha ang gamiton?
O kasingkasing ang angay tumanon?
Tingali ug ako usang ila-ilahon,
Para sukod ug tul-id ang desisyon.
 
Ug kon ikaw man gayud ang bag-ong gugma,
Hinaot unta ayaw ako pakyasa.
Ug kon ikaw man dili para sa akoa,
Hinaot nga kita gihapon higala.