POLITIKO
 
Sa kadaghanan sila nahimong inila,
Kusog magpailaila ug mangumusta,
Ngisihan bisan kinsa, bisan dili kaila,
 
Ang piniliay maoy iyang puntarya,
Kuhaon ang boto de kumpiyansa
Sa kadaghanan, puntil sa kuwarta
 
Pinalitay maoy iyang hiramenta
Human sa  bugnong lugaynon,
Human sa gasto’ng makalipong,
 
Siya maghinuktok ug maghunahuna,
Gahom ug kahalangdon iyang nakuha,
Sa hilom ug samtang magpitokpitok,
 
Panudlanan sa katawhan siya magtutok
Takna sa pinalitay, milabay na,
Pagbawi sa gasto’ng hinutdanay MIABOT NA!!!

mayo trese, dos mil trese.

adlaw sa piniliay ug tinaktakay

sa balota, ang lapis ipabagnod

sa gamay karton ang balota ipasalipod.

pilia higala ang sakto ug kwalipikado

ang matood ug angayan nga kandidato

i-asa man lagi ang kasikat ug katisoy

kung dili kamao nya magsige na lang nya ug panaghoy.

pilion ta ang maayo nga lider

lider nga maoy manguna 

ug dili ang magpunay lang

ug mandar, murag commander

sa piniliay karon nga moderno

dili lang unta ang pikos ang mauso

kung dili - ang pagpauso ug pagbag-o

sa kinaraan tang stilo.

Gamayng salapi ayaw'g kahiwi

nungka ampingi ang imong boto isip usa ka bahandi.

Sukad sa akong pagmata, ako nakapangutana ug daghang mga pangutana nga ang uban sayon tubagon sa akong kaugalingon, apan ang uban lisod para huna-hunaon man lang. Sa bata pa ko, wala gayod ako nahibalo kung asa naggikan ang tao, giunsa paghimo ang kalibotan, kinsa ang naghimo niining tanang mga butang nga makita ug dili makita dinhi sa kalibotan nga atong gipuy-an. Ang ako lang nadumdoman samtang nag-eskwela ko sa Elementarya, adunay mga alamat kung giunsa paghimo ang kalibotan, ug nabasa pud nako nga gitudlo sa libro nga siyensya kung asa kita gikan. Sa akong pagsimba kaniadto ako nagsugod ug tuo nga adunay Ginoo nga nagbuhat kanatong tanan ug niining kalibotana, apan dili klaro kanako ang pagsabot nganung anaa man kita manluluwas, ug nganong kinahanglan mang maluwas ang mga tao sa mga sala?

by Maanyag
Taipei City, Taiwan
 
Sa paghupas sa kanta nga Gangnam,
Aduna nasa'y bagong gikabuangan,
Ang nisikat nga kantang GWIYOMI,
Mao nasab ang unod sa tsismis ngadto og diri.
 
Koryano gyapon ang maong kanta,
Ang mga lihok pwerte rang sayona,
Pakyutkyut lang ang agi sa mga mata,
Ang paglihok sa kamot dali rang mamemorya.
 
Kinsa may dili malingaw magtan-aw,
Sa mga bidyo nga gipaambit sa mga taw?
Nga magpakyutkyut atubangan sa kamera,
Hilabina tong mga gwapo og gwapa?
 
Daghan kaayo ang misuwayng nisunod,

 
Pahiyom gihapon bisan nagkagidlay
Basta adunay bag-o nga tahas
Naa kanunay ang kulba-hinam sama niini…
Basahi ko bisan unsa sa lain nga lenggwahe
Di ba ka-ubo ka sa sakto nga aksent ug mensahe.
Apan, pahiyom gihapon bisan nagkagidlay.
Paminawa ang mga kukabildo nga nagpalibot nimo sa kalsada
Ug masunggo ka sa estilo sa pagsyagit ug pamalikas nga nagkadaiya
Sultihi sila nga interesado ka sa storya sa ilang kinabuhi
Ang uban maghilom lang apan ang kadaghanan moingon “pahawa diha bi”.
Unsa pa, pahiyom gihapon bisan nagkagidlay.
Ipasulat ang mga pulong ug mga kasinatian nga nagpakita sa ilang mga nakat-onan
Mas mosugot pa sila nga mostorya ug ikaw ilang sekretarya
aron dili masukna ang dako nga kakulangon sa pagtagik sa mga letra.
Ginhawa og lawom, pahiyom gihapon bisan nagkagidlay.

Maayong pagabot.
Gusto ko start a lalaki group for prayer, Bible study, language learning, and personal support.  Non-denominational, ecumenical. 
I am a blend of Christian, Buddhist, Gnostic Christianity ... and am  open minded on all faiths and spitirutal pursuits.
Also, want to learn Cebuano.
Palighog ko contact me sa ...
Timmybrucey@gmail.com
Balugo (Habitat 2), Dumagete, Negros Oriental

I recently decided to have a fund raiser for my nephew since I know that his an illegitimate child, who's father didn't claim him as his child. I feel sorry for him but I can't blame him just because of his father's fault. My nephew lived in Dalaguete, Cebu now but I am planning to have him in Cebu City to pursue his studies here; to support him with love and care, cause our relatives keep complaining and protesting that he should live near the city so they don't have to babysit my nephew. If anyone there, who's interested to give donation please visit the site below. www.dongsoy.tk Contact me on skype: zelhankun

Source: http://www.bubblews.com/news/296813-fund-raising-for-my-nephew

Puto Sikwate Ni Kuya Tiboy
(Jeffrey Astillo – Anchorman DYAB (CEBU))
By Genamos_US  of Washington DC, USA

Pagkalami sa sayong kabuntagon
Ang kalagsik sa lawas among bation
Matag buntag kami iyang pukawon
Sa tingog ni Kuya Tiboy na siawon

Ang iyang programa makadasig
Sa among kasingkasing moparayeg
Ang Puto Sikwate ang iyang idalit
Kanamong tanan ang iyang isampit

Mga katawa, balita ug mga pasiaw
Timaan ang programang makalingaw
Pamukaw sa kapamilyang molakaw
Aron dili maulahi sa ilang mga lakaw

Mga pagtimbaya sa mga kahigalaan
Sa lokal ug sa gawas nasod gihalaran
Pun-an pa sa mga kanta ni Kuya Tiboy
Mga tigpaminaw gilamian nagpanaghoy

Kung siya mokanta sa usa ka sonata
Sa mabugnawng tingog kami gidala

Ang Gugmang Nalawos Apan Nabuhi
By Genamos_US of Washington DC, USA

Ambot kung tinuod ba gayud ning gugma
Labi na sa kanhing gugma ako nalingla
Ang kahapdos sa dughan ang napanag-iya
Napuno lang sa luha ug kasub-anan gidala

Matud nila, daghan ang nanimpalad sa gugma
Kay ang kalibutan kuno napuno sa romansa
Tam-is kuno ang gugma murag asukar ug tabliya
Kung sagulon ang duha syur masikwate gyud kita

Ato nalang gayud ning ikatawa ang gugma
Kasakit ug kalipay atong ilingawlingaw ta
Magmatngon gayud kita aron dili madisgrasya
Sa gugma adunay mga mata apan kini makabuta

Apan lagi kon ngano ako gibulagan niya
Mga tubag nagdala og ganti ug pangutana
Way lami kon maglakaw kita mag-inusara
Sa dalan ang nawong nato pagkaminghoya

Wala gayud ako gisuwerte sa gugma

Lingawlingaw Sa Hunahuna
By Genamos_US of Washington DC, USA

Inday sa akong hunahuna
Ang dughan ko pagkabanha
Ang imahe mo dili mawala
Sa imahinasyon nagduwaduwa

Matag gabii ikaw ang gidamgo
Sa imong katahum ako gihaylo
Mga pahiyom mo dili ikabaylo
Ang dughan ko sa langit misaylo

Gusto ko lang ikaw ikauban
Maglambiyong  sa kalibutan
Layagon ta ang mga kadagatan
Aron ang gugma ta pagasaw-an

Susama sa nobela kung nabasa
Ang sugilanon napuno sa romansa
Mga pagsulay  gihagit ang gugma
Gumikan sa gibati nga pagkalamia

Wala gayud ako masayop
Ning hunahuna kung maaghop
Ang gugma nga mihangop
Sa kasingkasing ko mitaop

Gugma na ba kini matawag?
Ang dughan ko ang nagsabwag
Ang tingog sa gugma mitawag