james bond's blog

james bond's picture

ANG BAHAKHAK SA PANGAG

 
ANG BAHAKHAK SA PANGAG
 
“Bwa, ha, ha, ha” Nadapit ang pagtagad ni Irish sa dakong bahakhak samtang naghuwat sa iyang order nga pagkaon sulod sa karenderia ni Insi Terya sa dalan Balintawak sa dakbayan sa Sugbo. Gisuhid niya ang gigikanan sa dakong bahakhak ug nisugat sa iyang panan-aw ang tawo nga nagbarog sa may ganghaan sa karenderia.
 

james bond's picture

YUKBO ALANG SA MGA AMAHAN

YUKBO ALANG SA MGA AMAHAN
 
Imong gipanday ang tigbayon sa pinuy-anan,
gipili ug gilansang ang kinaiya'ng kapahimuslan,
sulondon nga binuhatan imong gitukawan,
 
sa adlaw ug gabii ikaw wala magkulang, gitisok,
 gitanom, ang binhi sa kalibotan, kayod ug pasingot,
 ugat sa paningkamot, kalipay ug kahusay gikab-ot,
 
 sa imong kamot gipahimutang aron  sapnayon
ang saad ug panumpa, buhat ug pulong nga dili masayon,
ang kaugmaon, ang bidlisiw sa banay nga malipayon,

james bond's picture

SAGBAY-LUWAG ANG GIPANGITA NI NOY KIKOY

 
SAGBAY-LUWAG ANG GIPANGITA NI NOY KIKOY
 
Pagdibuho ang hilaw sa butang nga adunay kakulang. Dili pa angayan kutloon gikan sa punuan, aslom kon tilawan. Sa hilaw ikaw magtagamtam. Kon kini masubraan, hinog ug lata ang padulngan. May mga binuhat nga hilaw ang ilogan, magtabisay ang laway daw gitiawan.
 
Si Noy Kikoy naghiwaos, nakakita ug binuhat nga walay hilam-os.
 
'Noy, ngano’ng nagpasalipod man ta?” pulong pa ni Terry.
 
“Day, maayo nang ingon niini aron ka makatarong ug tilaw. “ ni Noy Kikoy pa nga wala mahimutang.
 
“Pero, Noy basin ug makit-an ta’s imong asawa. Selosa ra ba na siya.” mabalak-on’g tubag ni Terry.
 
“Ayaw kabalaka Day. Dali ra ni.” pasabot ni Noy Kikoy.
 
Human sa pipila ka gutlo.
 

james bond's picture

SI TATAY HULYO PALIKERO

 
SI TATAY HULYO PALIKERO
 
Ang pagdawat sa buhat nga mamunga og maayong panag-ingnan maoy sukaranan sa liso sa kaayo, mosalingsing kini aron mapuslan sa kadaghanan. Apan kun atong ipadaplin ang buhat nga maayo, kini mamunga og dili maayo.
 
Sa lungsod sa Kanturatoy, adunay linalang nga dili gayud hitupngan ang kahibawo sa mga hiyas nga kadaghanan gilikayan. Anaa kaniya ang dungog sa pagkadukirok sa babaye, pagkasugarol, pagkahambogero, ug pagkapalahubog. Siya nabantog sa tawag, Tatay Hulyo.
 

james bond's picture

KAG-AT

 
KAG-AT
 
pagdibuho sa pamayhon,
nawong niya piyahokon,
iyang linaktan luyahon,
 
iyang  agtang  kunoton,
himsog  siya sa kanhiay,
dunggan nangnipis sa lahutay…
 
ang kakulang sa tulog,
hago ug  tiyan walay sulod,
mahilig magsige'g kayod,
 
 adlaw, gabii, kaadlawon  mangukay,
 manguhit magpaambit ug kalipay,

james bond's picture

PUNTO

 
 
PUNTO
 
unod sa hisgotanan,
bunga sa gihisgotan,
magdala'g gagmay'ng kalibog,
pahungaw sa  lalis ug pangisog,
 
human sa kuti'ng pagkulitog,
mohatag ug kasayon sa pagsabot,
hangpon,  sa tanan ikahimuot,
lamdagan ang magbagotbot,
 
walay pulong mapasupot,
maminaw samtang magmug-ot,
sa punto ang tanan ipasabot,

james bond's picture

SINGOT

 
SINGOT
 
bunga sa paningkamot,
talan-awon'g nagkadusingot,
may bugbog nga singot,
may pudyot ug tagidyot,
kini magdepende sa pasingot,
 
sa binuhat nga imong gikapasingot
ang hangos sabakon  ug singot,
abunda ilabi na'g alimuot,
bisan asa, bisan kanus-a,
 sa singot dili ka mokumpyansa,
 
sa hagit ug pasingot, ikaw makalimot,

james bond's picture

KUMPAYOT

KUMPAYOT
 
 buhat nga mugamit ug kamot,
manggunit ug mangupot,
 
maniguro'ng dili mahulog,
sa kapyot siya mangusog,
 
inantigo'ng maningkamot,
 dili igsapayan'g magsige'g kapyot,
 
mataptan ma'g panuhot,
sa kakusog mokapyot,
 
magkadugay magkasapyot,
nawong mangaluyot,
 

james bond's picture

DUNGOG

DUNGOG
 
kini ang imahen,  hulagway ug talan-awon’g
magdibuho sa tawo’ng  maukiton
sa buhat nga katilingbanon…
 
dili sayon  ang dungog  nga mahimo’ng sumbanan,
dungog nga mahimong panag-ingnan
karon ug sa kahangtoran…
 
adunay dungog sa pagkasalawayon, badlongon,
ang suhi, sukwahi maoy buhaton
siya panghimaraoton…  
 

james bond's picture

NAGKALAIN-LAIN ANG KANDIIS

NAGKALAIN-LAIN ANG KANDIIS
 
kandiis nga dayag makita:
 
“kaguwapaaa, kandiison lagi na siya…”
 
kandiis nga dala sa subra’ng timbang:
 
“Ah, grabbeeeh…..hasta lukon-lukon nangandiis?”
 
kandiis nga tinagoan, dili pahayagan:
 

Syndicate content