It has been awhile since I last logged in here, we all have to work and I've been busy. Not so recently I bought a book from Ateneo called 'Barangay' by William Henry Scott, check out the page here http://www.ateneopress.org/index.php?route=product/product&product_id=112

I didn't really liked it at first because it was written and published from outside the Visayas. But as I have heard from feedbacks, they have as well have the same assumptions or presumptions and prejudice on the book, on the writer and the publisher. I thought that it would another crap. Since I have a few spare time this week I have decided to write something about the book.

Human Milabay Ang Uwan
By Genamos_US of  Washington DC, USA

Kasidlak sa haring adlaw
Salamat ang uwan milakaw
Ang langit nga mapughaw
Mga panganod naglutaw

Ang tingog sa kalanggaman
Pahalipay sa akong dunggan
Daw usa ka huning maanindot
Giduyogan sa kahilom sa palibot

Ang tabonon nga yuta na basa
Maayo gani wala gyud magbaha
Sa gawas ang mga bata nagduwa
Ang masuso gikugos ug gihagwa

Sanag ang panagway sa mga tawo
May naghigda sa lantay nagdamgo
Nagsigeg tingog ang karaang radyo
Si Noy Eking nagkaon og tsamporado

Taud-taod mobagting na ang kampana
Ang mga tanod mipuwesto sa karsada
Nagbantay sa milabayng mga parada
Kay buhian na ang mga nag-eskuwela

Nangalisbo ang kahumot sa latik
Gisubay sa akong ilong nga abtik

Ang Merkules Sa Pagpabadlis
By Genamos_US of Washington DC, USA

Ania nasad ta sa tiilan sa kuwaresma
Giawhag sa pagpabadlis ug mosimba
Sa pagtimaan sa atong pagkakristiyano
Ug pagpahinumdom sa atong pagtoo

Karon ang sinugdanan sa kuwaresma
Giaghat ta sa pag-ampo ug magpuasa
Kasaulogan sa kamatayon ni HesuKristo
Ang kalibutan gitubos ug kita gipasaylo

Ang iyang kinabuhi ug pagsakripisyo
Timaan sa kalooy ug gugma sa Ginoo
Gibuntog niya ang kangitngit sa kamatayon
Aron ang kinabuhi maluwas ug magpadayon
 
Nabanhaw Siya ug misaka ngadto sa langit
Gibilin ang balaang pulong ug kita gihagit
Sa pagsunod sa iyang mga sugo ug balaod
Aron mahilayo sa kasal-anan kita sa hangtod

Magpuasa kita, maghinolsol ug magbag-o
Himoon ang kinabuhi ni Kristo na ehemplo

Global Warming O Warning?
By Genamos_US of Washington DC, USA

Daghan nga kitang nadunggan
Sa mga balita sa pamantalaan
Ang Global Warming sa kalibutan
Dili nga gayud kuno mapugngan

Tumang kainit o sobrang katugnaw
Tsunami o super bagyo ang miduaw
Pun-an sa baha o linog kita gipukaw
Ang kalibutan kuno murag misiaw

Mga klima o panahon mangausab
Daghan nagbagotbot ug mingaab
Mga pangutana puno sa kabalaka
Kon matawag nga gikastigo na kita

Pagbuot nga ba kini gikan sa Dios?
Sa atong kasal-anan kita natamparos
Kon panguntaon ang habig sa syensya
Aduna usab silay tubag sa atong kabalaka

Nagkanayon ang ubang sayantipiko
Managlahi ang Diosnong mga pagtoo
Kon basihan ba ang syensya o bibliya
Panahon nga gayud kita na magmata

Ang Buwad
By Genamos_US of Washington DC, USA

Kini ang sud-an nga madalidali
Sa merkado daghan tang mapili
Mga isda, nukos ug mga pusit
Lamiang sud-an daling mapalit

Baho-baho kuno ug humot-humot
Laming isud-an ug daling mahurot
Isugba o pinirito labi na kon isubak
Sa linat-ang monggos gisampak

Pun-an pa isawsaw sa suka ug gipug-an og sili
Ang buwad pinikas kamatesan way makapildi
Bugnawng bahaw ihigop pa sa init na sabaw
Ang mga singot nagtubod murag kabaw

Buwad bolinaw, mapusit o kaha danggit
Puwede nang lanlanon murag tsokulit
Matod pa sa uban ang buwad makabadbret
Kon magluto ta mangalisbo sa sinina mopilit

Nahimoot ako sa among  kano nga silingan
Kon makabaho mura kunog tiil wa gihugasan
Malukop esprey sa mga bintana ug pultahan

Edukasyon, Gradwasyon Ug Kaugmaon
By Genamos_US of Washington DC, USA

Motikang na gani ang buwan sa Marso
Mga gradwasyon maoy dakong uso
Mga mogradwar sa intamblado mopaso
Aron modawat sa diplomang ipasagarbo

Ang gradwasyon usa ka selebrasyon
Pahalipay sa nakab-ot nilang higayon
Mga dughan gipuno sa dakong kalipay
Kalampusan bisan adunay mga kabudlay

Ang diploma maoy timaan sa ilang kakugi
Kakapoy, sakripisyo ug paningkamot lagi
Dili kahulipan og salapi ang ilang nakab-ot
Mga ginikanan ug migradwar sila nahimoot

Ang edukasyon maoy sakayan sa kalamposan
Salamin sa dakong kaayohan para sa tanan
Dili usik-usikan ang panahon kay gadagan
Kay ang oportunidad mulabay kausa ra man

Dili sayop kun mangandoy kitag kaayohan
Labi na sa pamilya, kaugalingon  ug sa uban

Pulong ang hinungdan,
Aron kita masabtan,
Ug kita magkauban,
Sa tiyok ning kalibutan,

Pulong sa uban,
Atong nasayran,
Aron, sabay sa dagan,
Sa kinabuhing naandan,

Pulong na gitubuan,
Ayaw biya ikalimtan,
Aron dali balikan,
Kung asa naggikan,
Ang liso na gitamnan,

Atong Pulong Bisaya,
Dagat sa istorya,
Langob ang tirada,
Wala man gamita,
Sa lahi na ika istorya,
Langit ang kamingaw ta,

Atong Pulong Bisaya,
Sa kasing-kasing ta,
Pamilya ang Gugma,
Sa huna-huna ta,
Mantsa di mada ug laba,

Mga pulong na nasayran,

Uyab-Uyab Blues
By Genamos_US of Washington DC, USA

Ang dakong kahayag sa buwan
Mihamag ug midan-ag sa kalibutan
Duha ka managdughan gitagbo
Sa gugmang gipanghuptan dako

Mga saad ug damgo nga gitapigan
Nakiglumba sa idlas na kapalaran
Nahisama nga wala kini utlanan
Unya natuman ug ilang gisaw-an

Matag tayhop sa bugnawng hangin
Ang kahilom sa kagabhion nagpabilin
Duha ka pinili nga managhigugmaay
Sa walay puas gianod sa ilang kalipay

Mga madanihon na pahiyom ug talidhay
Giduyogan sa panahon misakay ug milabay
Duha ka kasingkasing  na kansang milahutay
Napuno sa kadasig sa gugmang nangindahay

May mga pagbati nga dili mapugngan
Unya di isipon kon unsa bay padulngan
Gihunahuna lang ang katam-is sa gugma
Kon tinood ba kini maoy ang pangutana

 
Sa pagsidlak sa haring adlaw sa pag-abli ning kabuntagon
Ang imong hulagway ang buot masud-ong
Ang imong katawa ang gipangandoy nga maangkon
nga sa tibuok adlaw pwede nakong mabawon.
 
Gisinggit ko sa mga bituon
Nga unta Moduyog kanako ang panahon
Gikablit ko ang buwan
Ug usa ka adlaw daw sa damgo lamang
Ikaw ania na ning kiliran.
 
Akong gibuhian ang duot sa bukog nga mga saad
Ako gipanumpa nga ang tibuok kasing-kasing kanimo ihalad
Itugyan ko kanimo bisan ang katapusang ginhawa ko
Mapamatud-an ko lang ang katim-os ning gugma kanimo.
 
Sa pagligid sa mga adlaw ug buwan ning dakong nataran sa kalibutan
Ikaw gusto ko nang pakaslan
Kay ako man nga napamatud-an
Nga ikaw lamang ang binuhat nga sa dughan,akong una ug katapusan.
 
Uban kitang duha nga ning tukod sa atong mga damgo

Didto Sa Baylehan
By Genamos_US of Washington DC, USA

Maanyag nga kagabhion
Kasadya nga kalibutanon
Tingog sa baylehan midalit
Kay pyesta sa among dapit

Nakita ko si Inday nagpadaplin
Nag-inusara nagtanaw nahabilin
Gusto ko unta siyang sayawon
Apan usa ako kamanggiulawon

Ang sonata padayon misugid
Mga mata ko kaniya nagpaniid