Blogs

rastaval's picture

Ako usa ka lemonsito

Ako usa ka lemonsito

Aduna akoy kaaslum nga wala sa uban
Mao nga gipangita ako sa kadaghanan
Gikan sa punuan ila akong gipupo 
Gikab-ot ug daw akong liog gilunggo

Kahuman gibutang sa sako ug gilumsan
Gitugsaw sa tubig kay kono hugasan
Apan diay gibaligya sa mga katawhan

Pag abot sa balay ug human mapalit
Gihiwa ako sa kutsilyong mahait
Gipuga ako ug ang akong duga gipasidlit
Ay kalisod sa kinabuhing mapait.

Human ko nila mapug-i ug mapahimusli

Genamos_US's picture

Didto Sa Among Bukid

Didto Sa Among Bukid
By Genamos_US  of Washington DC, USA

Ang kinaas susama nga nag-uwan
Mga kadahonan sama nga gikuratan
Mga sanga sa kahoy nga nagasayaw
Kay giibid-ibiran sa hangin nga siaw

Dili masabtan ang kangiob sa langit
Daw gihabulan ang adlaw sa kalit
Gihigop sa kabugnaw ang palibot
Ang kalibutan daw murag gisapot

Gitultolan ang akong mga panan-aw
Ngadto sa tiilan sa bukid nga lunhaw
Ang kahilom sa pilapilan ug ang patag
Daw murag giduyan ang akong kalag

Ang banikanhong kahumot misubay
Gihanggap ko ang hangin nga milabay
Inubanan sa pagpiyong  ug pagginhawa
Ang hunahuna girelaks nga nag-inusara

Ang lab-as nga hinuyohoy makalukmay
Midagpis sa aping daw halok nga lanay
Gibuksan ko pagbalik ang akong mga mata

litogo's picture

Nasudnong Kongreso sa Pinulongang Sugbuanon

Nasudnong Kongreso sa Pinulongang Sugbuanon

From May 23-24, 2014, the USC Cebuano Studies Center in cooperation with the Commission on Higher Education (CHED) and the Department of Education (DEP-Ed) will host the much-awaited Nasudnong Kongreso sa Pinulongang Sugbuanon: Mga Hagit ug Kaugmaon. The activity will bring together stakeholders, scholars, experts and educators from diverse backgrounds in facing the challenges of MTBMLE.

The congress theme, Mga Hagit ug Kaugmaon, highlights the fact that Cebuano encodes knowledge in many subfields of the sciences, art and the humanities. Teachers need to know how to tap into these areas to fully document the unique worldview we hold in the Cebuano community. Otherwise, opportunities to explore such topics would be lost.

junjimalaza's picture

Barangay: Visayas Physical Appearance 1

The color of the Visayans as described by the Spaniards vary, it depends on who was writing it. Some say that the Boholanos were braver than any of the Visayans and much lighter in color, some said otherwise.  But in general we get the point that the color is actually brown. Some are darker because of the exposure to sun.

Body Decoration

The Visayans back then had tatoo all over their body and dental decorations. Like the lizards or the water monitor that we commonly call "Halo" they too have decorations on their skin. These tatoo tells the tale of ones accomplishments in battle, call it their medal back then.

The image below is a typical look of a Visayan, of which some may have seen in other sites as well.

pintados

The tatooing starts from the ankles and go up. This image is from the Boxer Codex.

junjimalaza's picture

Barangay

It has been awhile since I last logged in here, we all have to work and I've been busy. Not so recently I bought a book from Ateneo called 'Barangay' by William Henry Scott, check out the page here http://www.ateneopress.org/index.php?route=product/product&product_id=112

I didn't really liked it at first because it was written and published from outside the Visayas. But as I have heard from feedbacks, they have as well have the same assumptions or presumptions and prejudice on the book, on the writer and the publisher. I thought that it would another crap. Since I have a few spare time this week I have decided to write something about the book.

Genamos_US's picture

Human Milabay Ang Uwan

Human Milabay Ang Uwan
By Genamos_US of  Washington DC, USA

Kasidlak sa haring adlaw
Salamat ang uwan milakaw
Ang langit nga mapughaw
Mga panganod naglutaw

Ang tingog sa kalanggaman
Pahalipay sa akong dunggan
Daw usa ka huning maanindot
Giduyogan sa kahilom sa palibot

Ang tabonon nga yuta na basa
Maayo gani wala gyud magbaha
Sa gawas ang mga bata nagduwa
Ang masuso gikugos ug gihagwa

Sanag ang panagway sa mga tawo
May naghigda sa lantay nagdamgo
Nagsigeg tingog ang karaang radyo
Si Noy Eking nagkaon og tsamporado

Taud-taod mobagting na ang kampana
Ang mga tanod mipuwesto sa karsada
Nagbantay sa milabayng mga parada
Kay buhian na ang mga nag-eskuwela

Nangalisbo ang kahumot sa latik
Gisubay sa akong ilong nga abtik

Genamos_US's picture

Ang Merkules Sa Pagpabadlis

Ang Merkules Sa Pagpabadlis
By Genamos_US of Washington DC, USA

Ania nasad ta sa tiilan sa kuwaresma
Giawhag sa pagpabadlis ug mosimba
Sa pagtimaan sa atong pagkakristiyano
Ug pagpahinumdom sa atong pagtoo

Karon ang sinugdanan sa kuwaresma
Giaghat ta sa pag-ampo ug magpuasa
Kasaulogan sa kamatayon ni HesuKristo
Ang kalibutan gitubos ug kita gipasaylo

Ang iyang kinabuhi ug pagsakripisyo
Timaan sa kalooy ug gugma sa Ginoo
Gibuntog niya ang kangitngit sa kamatayon
Aron ang kinabuhi maluwas ug magpadayon
 
Nabanhaw Siya ug misaka ngadto sa langit
Gibilin ang balaang pulong ug kita gihagit
Sa pagsunod sa iyang mga sugo ug balaod
Aron mahilayo sa kasal-anan kita sa hangtod

Magpuasa kita, maghinolsol ug magbag-o
Himoon ang kinabuhi ni Kristo na ehemplo

Genamos_US's picture

Global Warming O Warning?

Global Warming O Warning?
By Genamos_US of Washington DC, USA

Daghan nga kitang nadunggan
Sa mga balita sa pamantalaan
Ang Global Warming sa kalibutan
Dili nga gayud kuno mapugngan

Tumang kainit o sobrang katugnaw
Tsunami o super bagyo ang miduaw
Pun-an sa baha o linog kita gipukaw
Ang kalibutan kuno murag misiaw

Mga klima o panahon mangausab
Daghan nagbagotbot ug mingaab
Mga pangutana puno sa kabalaka
Kon matawag nga gikastigo na kita

Pagbuot nga ba kini gikan sa Dios?
Sa atong kasal-anan kita natamparos
Kon panguntaon ang habig sa syensya
Aduna usab silay tubag sa atong kabalaka

Nagkanayon ang ubang sayantipiko
Managlahi ang Diosnong mga pagtoo
Kon basihan ba ang syensya o bibliya
Panahon nga gayud kita na magmata

Genamos_US's picture

Ang Buwad

Ang Buwad
By Genamos_US of Washington DC, USA

Kini ang sud-an nga madalidali
Sa merkado daghan tang mapili
Mga isda, nukos ug mga pusit
Lamiang sud-an daling mapalit

Baho-baho kuno ug humot-humot
Laming isud-an ug daling mahurot
Isugba o pinirito labi na kon isubak
Sa linat-ang monggos gisampak

Pun-an pa isawsaw sa suka ug gipug-an og sili
Ang buwad pinikas kamatesan way makapildi
Bugnawng bahaw ihigop pa sa init na sabaw
Ang mga singot nagtubod murag kabaw

Buwad bolinaw, mapusit o kaha danggit
Puwede nang lanlanon murag tsokulit
Matod pa sa uban ang buwad makabadbret
Kon magluto ta mangalisbo sa sinina mopilit

Nahimoot ako sa among  kano nga silingan
Kon makabaho mura kunog tiil wa gihugasan
Malukop esprey sa mga bintana ug pultahan

Genamos_US's picture

Edukasyon, Gradwasyon Ug Kaugmaon

Edukasyon, Gradwasyon Ug Kaugmaon
By Genamos_US of Washington DC, USA

Motikang na gani ang buwan sa Marso
Mga gradwasyon maoy dakong uso
Mga mogradwar sa intamblado mopaso
Aron modawat sa diplomang ipasagarbo

Ang gradwasyon usa ka selebrasyon
Pahalipay sa nakab-ot nilang higayon
Mga dughan gipuno sa dakong kalipay
Kalampusan bisan adunay mga kabudlay

Ang diploma maoy timaan sa ilang kakugi
Kakapoy, sakripisyo ug paningkamot lagi
Dili kahulipan og salapi ang ilang nakab-ot
Mga ginikanan ug migradwar sila nahimoot

Ang edukasyon maoy sakayan sa kalamposan
Salamin sa dakong kaayohan para sa tanan
Dili usik-usikan ang panahon kay gadagan
Kay ang oportunidad mulabay kausa ra man

Dili sayop kun mangandoy kitag kaayohan
Labi na sa pamilya, kaugalingon  ug sa uban

Syndicate content