rastaval's blog

rastaval's picture

Mensahe para sa Adlawng Natawhan

Ang pagtimbaya isaysay,
sa nawonglibro ipakatay.
ang pahiyom ipauraray
sa ibabaw sa akong lantay
 
hingpit kong ipaambit
sa dili pa ko manamilit
ang adlaw mong natawhan
dili gayud diay mahikalimtan
 
malaumon, madasigon,
ug imo unta akong pasayloon
kung sa gasa ako mapalta
kay tungod walay kwarta
 
sa kinatok ipaagi
ang gamay kong mensahe
manghinaot ko nga alegre
sa pagsaulog sa imong birthday.
 
happy birthday

rastaval's picture

Ako usa ka lemonsito

Ako usa ka lemonsito

Aduna akoy kaaslum nga wala sa uban
Mao nga gipangita ako sa kadaghanan
Gikan sa punuan ila akong gipupo 
Gikab-ot ug daw akong liog gilunggo

Kahuman gibutang sa sako ug gilumsan
Gitugsaw sa tubig kay kono hugasan
Apan diay gibaligya sa mga katawhan

Pag abot sa balay ug human mapalit
Gihiwa ako sa kutsilyong mahait
Gipuga ako ug ang akong duga gipasidlit
Ay kalisod sa kinabuhing mapait.

Human ko nila mapug-i ug mapahimusli

rastaval's picture

Magtutudlo (waray-waray)

An pag-aram hit leksyon diri ginhihikakuri.
Han estudyante nga han iya subject, hiya nandidiri.
Basta meada niya gugma ngadto han iya maestra,
Aba-a daw, adlaw-adlaw, smiling hini nga naskwela.

Bis'pa daw waray pa kaon, nalakat na 'ton hya.
Nga mga burubalon, diri ngani iton ginpo-problema.
Nag-uuna ngan temprano permi ha pagskwela,
Kay ha skul, excited nga makit-an an maestra.

Ok gad la ini nga stilo han pagskwela
Pero meada liwat ini maraot nga resulta,
Komo estudyante ngan nag-aaram,
dapat love nira it subject, pati na hi maam.

Meada liwat iba nga balikad it tirada,
Nadiri kan titser pero ha subject, ganado ura-ura.
Makuri ngahaw iton pagpasar kan maam.

rastaval's picture

Tinaktakay dos mil trese

mayo trese, dos mil trese.

adlaw sa piniliay ug tinaktakay

sa balota, ang lapis ipabagnod

sa gamay karton ang balota ipasalipod.

 

pilia higala ang sakto ug kwalipikado

ang matood ug angayan nga kandidato

i-asa man lagi ang kasikat ug katisoy

kung dili kamao nya magsige na lang nya ug panaghoy.

 

pilion ta ang maayo nga lider

lider nga maoy manguna 

ug dili ang magpunay lang

ug mandar, murag commander

 

sa piniliay karon nga moderno

dili lang unta ang pikos ang mauso

kung dili - ang pagpauso ug pagbag-o

sa kinaraan tang stilo.

 

Gamayng salapi ayaw'g kahiwi

nungka ampingi ang imong boto isip usa ka bahandi.

rastaval's picture

ANG MASKARA

ANG MASKARA

sayo sa buntag ako gipaningot ug naglagot
sa tawong dili ko kasabot ug makapungot
kay wa ko magdahom sa iyang pagkabakakon,
salig kay dili masirohan, ako gisayon-sayon

ang kagubot luyo sa iyang kasadya
ang kagool luyo sa iyang pagmaya
sama sa kahugaw sa iyang kinaiya
nga gihulipan sa maanyag niyang maskara

sa tanan siya ang gikagustuhan
sa iyang ka anyag makalingi jud ang tanan
pero dunay butang nga wala ninyo mahibaw-an
mao kani ang pagkatipaka-aron ingnon sa kanahan

para nila siya matinud-anon ug buotan,
pero para nako, susmaryusip pastilan
dili ko na lang diri ipangsaysay ang tanan
basta kay nakasaksi ko sa kamatooran.

Kung kamo suod niyang higala,
igsoon, ig-agaw o kapamilya,
susiha ug pagatun-i ninyo kaning bayhana
kay murag dili na siya mabangbang ug nigrabe na.

Sa iyang kaalam, hmm nibilib ko
pero sa iyang ka maru, ako na dehado
mga butang nga dili ta makatoong mabuhat niya
pero wow, amazing! para niya pwerte rang sayona

rastaval's picture

Kurdapya

Kurdapya

rastaval's picture

Komiks Binisaya

Click here for image full size

Dili maisahan si Rastaval Marley. hahahaha...

Komiks Binisaya

Sa akong pagpanghinaut,
nga kamo unta nahimoot.
Ang katawa dako ug tabang
Aron sa pagsumpo sa sakit sa atong kalawasan.

Kaning tanan, namugna kani tungod sa akong kagustohan.
Nga ang katawa akong mapa ambit sa tanang katawhan.
Dili lang sa pagsugilon sa usa ka na andang sugilanon,
Kung dili ang pagpaambit sa usa ka sugilanong dunay larawang lantawon.

rastaval's picture

Ulanong kahaponon nga wala ka sa akong kiliran

Gitabunan ug bagang dag-om ang mga langit,
Ang kahayag gihulipan sa panganod nga mangitngit,
Ug hinay hinay'ng ni bundak ang makusog nga ulan,
Sa walay pupananghid nangahumod ang tanan.
 
Nihaguros ang mabugnawng hangin gikan sa sidlakan,
Dogdog ug kilat nga sobra mong gikahadlokan,
Nagasubo ako nagahunahuna sa imong kabutangan,
Nagabukot ka na ba usab ug habol ug nigakos ka sa imong unlan?
 
Ang ulan nga makusog usa ka sumbanan sa akong balatian,
Daw magahilak kung ako na ang imong matalikdan,
Nipadayag ka sa imong kalaw ug ikaw akong gitugutan,
Moadto man gud kaha ka sa ayala kay aduna kay bayaran.
 
Ang pagdagayday sa mga tulo sa akong luha nonot sa akong aping,
Dili ko kapugngan ang balatian ko, sa kagool ako nagpabilin,
rastaval's picture

Si Kinsa Ikaw Sa Akong Kinabuhi

Bulahan kadtong adlaw nga kita nagkaila,
Bisan sa binag-ong kahimanan kita nagkahiusa.
Ug didto nagsugod ang akong gugma.
Gugma nga putli, ug bugtong kanimo lang gibati.
 
Himaya ang mga adlaw sa atong paghinigala-ay,
Katam-is sa mga takna ug higayon nga kita nagastorya kanunay.
Kinasingkasing, ug daw walay katapusan,
Ang paghandom ug ang makanunayong paglitok ko sa imong ngalan.
 
Ikaw ang kalipay sa akong kinabuhi, 
Ug ma-angkon ko lamang kini kung ikaw dili magdumili.
Ug unsa pa ma'y buhaton ko aron imong masabtan,
Ang gugmang tiunay, ug para lang kanimo Arianne.
 

Gipahinungod kang Kurdapya

rastaval's picture

Ako si Rastaval Marley

Ako si Rastaval Marley ang inyong higala.
Sa NawongLibro ako, inyong maila-ila.
Mahimo ako ninyong ipuno sa inyong listahan,
Listahan uban sa inyong mga kahigalaan.

Sa layong dapit ako nagagikan,
Nilangyaw sa Sugbo aron mangita'g panginabuhian.
Wala ako magdahum nga sa "Binisaya.com" ako mahidangat.
Kay tabokon pa man to'ng amoa ug dakong dagat.

Ikatulo ako sa upat ka managsoon,
Mga igsoong hilabihan ka maibi-abihon.
Bisan sa ka pit-os sa among kinabuhi,
Kasadya sa banay gihapon ang among nasinati.

Dili ako mapahitas-on ug sayon akong sampiton.
Dili ako ambisyoso kay wala man koy ikapasigarbo.
Kung aduna kamoy lisod ug dakong suliran,
Ayaw ug kabalaka kay ako inyong madoulan.

Samtang ako nagatubo niining kalibutan,
Daghang pagtulun-an ang akong nakat-onan.

Syndicate content