Gipahinungod kang Kurdapya

Ako si Rastaval Marley ang inyong higala.
Sa NawongLibro ako, inyong maila-ila.
Mahimo ako ninyong ipuno sa inyong listahan,
Listahan uban sa inyong mga kahigalaan.

Sa layong dapit ako nagagikan,
Nilangyaw sa Sugbo aron mangita'g panginabuhian.
Wala ako magdahum nga sa "Binisaya.com" ako mahidangat.
Kay tabokon pa man to'ng amoa ug dakong dagat.

Ikatulo ako sa upat ka managsoon,
Mga igsoong hilabihan ka maibi-abihon.
Bisan sa ka pit-os sa among kinabuhi,
Kasadya sa banay gihapon ang among nasinati.

Dili ako mapahitas-on ug sayon akong sampiton.
Dili ako ambisyoso kay wala man koy ikapasigarbo.
Kung aduna kamoy lisod ug dakong suliran,
Ayaw ug kabalaka kay ako inyong madoulan.

Samtang ako nagatubo niining kalibutan,
Daghang pagtulun-an ang akong nakat-onan.

Oh Balot ko'ng gipangandoy,
Sa kadalanan ikaw gisuroy-suroy.
Ginasinggit sa mga dagko ug tingog
Ang imong ngalan sa kagabhion gipalanog.

Ginama alang sa usa ka higala

May higala akong ongo.
dili siya ongo sa kabo.
dili sad siya dautan ug dawo,
pero siya ang pinaka-maanyag nga ongo.

Kusog mokatawa bisag nagkalisod na.
Isog ug lig-on bisag nasakitan na.
Ipa-agi ug pahiyom ang iyang kagutom,
kay andam mo sakripisyo sa mga walay kaon.

Si ongo ang tipo sa babaeng mapahimuslanon,
Pagpahimos sa panahon nga kamo nagkaipon.
Kaniya, iya gyud kang higalaon.
Aron sa kanunay siya, imong mahandom.

Ug karon niabot na ang takna ug higayon,
ang adlaw nga sakit pamalandungon.