An pag-aram hit leksyon diri ginhihikakuri.
Han estudyante nga han iya subject, hiya nandidiri.
Basta meada niya gugma ngadto han iya maestra,
Aba-a daw, adlaw-adlaw, smiling hini nga naskwela.

Bis'pa daw waray pa kaon, nalakat na 'ton hya.
Nga mga burubalon, diri ngani iton ginpo-problema.
Nag-uuna ngan temprano permi ha pagskwela,
Kay ha skul, excited nga makit-an an maestra.

Ok gad la ini nga stilo han pagskwela
Pero meada liwat ini maraot nga resulta,
Komo estudyante ngan nag-aaram,
dapat love nira it subject, pati na hi maam.

Meada liwat iba nga balikad it tirada,
Nadiri kan titser pero ha subject, ganado ura-ura.
Makuri ngahaw iton pagpasar kan maam.
Kun namusdot it nawong kun ha iya gin papa-atubang.

Hino daw la an naka tag-iya han iya kasing-kasing?
An subject ba o hi maam nga danay napa-chancing?
Kung ano man it aada sulod hit iya dughan,
Sigurado nasabay na la iton it aada hit iya kaadman.

Kay bisan pa daw love niya hi maam,
Pero it subject iya gud nadidiri-an
O di ngani an kabaliktaran hit nga tanan,
Waray gud subject o korso nga iya mapasaran.

Takay diri la tobtob dinhi an marisyo ta nga storya,
Kay diri la estudyante an naka-abat hini, pati gihap maestra.
Permi la badtrip hi maam ngan nagpaparaso it ulo.
Kay nadiri man hiya pagtutdo hin Sibika ngan Filipino.

Asay pa kun damo'n maghusay ha English class.
Kitaa daw hi sir - papansin dayun ito han iya kras.
Bis pa daw burubaliktad it iya ka-English,
Diri ginbabali, bagat klase nga tinuyaw ngan inintrimis.

Pwede gad ada dunganon ta paghatag ha ira.
An patas nga pag-asi hit tagsa-tagsa nga importansiya.
Kan gwapo nga sir -  kan mahusay nga maam,
Ngan ha subject, waray unta ha ira an malamangan.

Hagi! Ano ba ini nga sitwasyon?
Napalipong man ini ngan napalurong!
Maam ngan sir, pamatia daw ini nga akong suggestion
Karawata! karuyaga! kay amo na ada ini it solusyon.

Igtutdo nira an gugma diri komo usa nga leksyon,
Kung diri, komo aksyon ha leksyon nga dapat nira hihimoon.
Kay natood ako na waray ikahubya hiton pagskwela.
Kun interesado hira hit subject ngan han ira maestra.