Sa karon, usa nako ka lumulopyo sa Bulacan, usa ka tagalog-manulti nga lugar, apan sa katinuod ako usa jud ka bisdak, gipanganak sa lapu-lapu. Sa kasingkasing nagpabilin gihapon ang akong pagkabisaya bisan pa kinse na ka tuig ako nahilayo sa lugar nga akong natawhan.  Sa barko ako nagtrabaho karon, daghan didto bisaya, maong mahinungdanon gihapon nga magpabilin ko nga bisaya. Ang akong anak, tres anyos ni siya, gipanganak diri sa bulacan, pero bisan pa naa mi diri, sa norte, tudloan ko pa gihapon siya og bisaya, kay para sa akoa kini na pinulungan, maingon ko nga "powerful",  in the sense na, ang mismong tingog sa pulong, sa mga termino, tugma ngadto sa iyang kahulugan.  Ang tumong, tuyo ug tinguha sa akong paghimo niining akong account kay aron maikabahin ko ang mga istorya na akong natigum sa partrabaho sa barko, sa pagpuyo ko sa dagat, tinuod man o dili, kini mga istorya lamang. Nadugangan ug nakuhaan, kining tanan istorya may gaymayng mantsa sa kamatuoran sa kinabuhi namo mga taga-barko  . Salamat