Makalipay ug makalingaw

Wala man unta koy plano nga moapil na sab og lain pang network! Pwerteng daghana na intawon ang akong giapilan! Makalipong na gayud unta, halos dili na man gani nako mabisita ang ubang social networks!

Pero kini, dili ko gyud palabyon. Nakatawa uroy ko sa KUTAYDAPIT! Nakalad-ok gayud ako og laway, dayong talidhay! Aray...! Okey!

Sa tinuod lang, dugay na ko nagdamgo, naghandom ug nagplano-plano nga maghimo og blog nga binisaya! Apan lisud mangitag panahon. Busa kay naa na man kini, nganong dili na lang moapil! Sulayan ta lang gud pero lisud mosaad nga regular ang pagsulat dire.

Apan sama sa ginaingon nga kun makalipay, himoon kanunay!

Comments

Binisaya Blogs

Bitaw uy! makalingaw man jud ning mag sulat gamit ang atong naandang pinulungan. Kay murag deritso ra kaayo ang pag sa saysay sa storya og wala nay liko liko sa.
Sama kanako pag may free time mao ray panahon maka sulat sa blog. Pero dako ang akong kailapay makabasa og bisaya nga mga blogs.