Ang Pulong Ludabi

fmontajes's picture

Gikan sa gamay pa ako kanunay na akong makadungog niining pulong ludabi

Ug ako kining ipaambit sa mga tig sunod niining maong balayan aron usab atong makita kung wala na ba nato hikalimti

ang atong namata-an ug kahayag nga pinulungan nga kansang mga kabatan-unan atong makita nga bisan sa yanong pinulungang

bisaya dili na maasabot tungod sa impluwensya sa mga pinulungang banyaga. Kung mahimo dinhi niining maong pagpulong pulong sa

balayan atong isugid ang atong mga namatikdan sa atong palibot ug atong tukion ang pulong ludabi kon unsay lintonganay niini sa atong kaugalingo

ilabi na gayod sa mga kabatan-on nga nagdakong bisaya.

Genamos_US's picture

Hikalipay

Hikalipay man gani nako dinhi sa gawas nasod ning akong gipuy-an kung aduna koy masugatan nga bisaya nga larino usab sa atong pinulongan.Pero kasagaran mga bag-ong henerasyon ang lingguwaheng binisaya alang kanila usa ka mansa nga ika-ulaw puwera lang siguro sa mga bag-ong tubo nga nagdako sa ilang mga katigulangan.Bisag ania ko sa gawas nasod. Pinaagi niining payag ako nagpadayon sa pagsulat sa mga balak aron akong mabansay bansay ug dili nako makalimtan kini samtang nahilayo sa atong minahal nga nasod. Nindot gayud ang lunsayng binisaya kay dulot sa bukog nga atong masabtan ug ang gibati sa nagsulat sa balak. Daghang salamat kanimo undong sa pagkabana. Giaghat ang tanan sa pagpaabit sa ilang mga bisaya nga balak.