Dondie Labajo's blog

Dondie Labajo's picture

<3 <3 <3 "O" <3 <3 <3

 

-
Sa imong matam-is nga "o"
akong dughan nagbuto-buto
bisag wala pay pasko
nakuha na nako ang pinakanindot nga regalo

-
Bisag wala pasay sinulog
akong dughan ni shagit nag kusog
kay karong adlawa ako nagsiulog
sa pagtawo sa gugmang di matay-og

-
Saksi ang unlan niining tanan
pero ako lang sa ning habulan
para dili makita sa tanan
ug para batok sa lamok kini dili mataptan

-
Kay lagi tadhana ang nag-ingon
wala tay mahimo kundi kini sundon
busa sa taas nga dalan nga atong baktason
hinaot unta nga hangtod ta maabot, naa japon imong bukton

-
--Donz 12/06/16

Dondie Labajo's picture

[143] GIHIGUGMA TIKA [143]

 

-
Tinuod na ba jud ning panghitabo-a?
or basin duwa-duwa ra?
kay kini nasad wala napud damha
ni kalit lang mura usa ra ka ginhawa

-
Sa akong pagtulog
hinaot unta nga inig mata padayong magsaulog
sa gugmang wala atha
daw hinog nga bunga sa mangga, natagak rag iyaha

-
Mga balak walay kahomanan
kay ang gibati di najud kapugngan
ug sa akong kinasing-kasing nga pag ingon
"GIHIGUGMA TIKA, banda sa mga bitoon ug dira nimo tugdon"

-
--Donz 12/06/16

 

Dondie Labajo's picture

GUGMA SA LUBNGANAN..

Akong gugma murag patayng gilubong
naagnas ug nanimaho nang kagang
pero lagi daw patay kaykayon sab ang gugmang kalansay
ug sa akong pagkaykay nahikaplagan ko ang imong dagway

-
Dagway nga daling higugmaon
mga matang gipuy-an ug mga bitoon
mga ngabil nga daw chicharon nga laming paakon
ug mga pahiyom nga madanihon

-
Madanihong batasan:
mao kana ang hinungdan
nganong ikaw ang nakaykayan
ug nganong nabuhig usab ang gugma sa lubnganan...

-
--Donz 12/06/16

#EffectsOf5

Dondie Labajo's picture

❝¿AMBOT UNSA UG NGANO NI...?❞

-
Sa pagkupot ko sa iyang mga kamot
Diha-diha ako nakalimot
daw tiguwang nga nawalas kabuot
o boang sa kadalanan nga walay saplot

-
Sa iyang makalilisang nga mga tutok
ang akong dughan kalit lang nagbutok-butok
daw kini naay kaugalingong utok
kay nang-gimaw man murag bitok

-
Sa among pagsayaw
akong kamot nang-bugnaw
Pero ang akong gipabati dili kakuyaw
kon dili ang paghinay-hinay nga pagka-amaw

-
Ambot unsa ug ngano ni
wa ko ni damha, ni kalit lang ni
daw bala sa pusil nga di malihayan
o basin gugma ni nga dili kapugngan...

--Donz 12/04/16

Dondie Labajo's picture

✍✍✍ Manunulat sa Hangin ✍✍✍

-
Ang bolpen kong nagtai-tai
mo suwat gihapon bisag bati nag agi
bisag hanap na ang mga letra
bisag ang tinta kay di na makita

-
Hinaot unta nga hatagag pagtagad
ang mga hinaguan niining akong palad
sa pagsuwat sa di masabtan
sa pagsabot sa di makit-an

-
Hatagan untag hustisya
ang pag-antos niining papela
nga hagbay nang gi kumot-kumot
sa madagmalong mga kamot

-
Apan manunulat sa hangin raman
dili nalang magdahom nga makita sa tanan
sanglit kay ang mga tawo karon mga buta
nga daw bag-ong panganak nga bata...

Syndicate content