Takna sa kamingaw
dunay mabating hagawhaw
mga singgit sa kagahapon
ug mga hunghong sa umaabot puhon
Ang huros sa hangin
manggitik daw gusto magpapansin
ug ang mga bato sa langit
nagapangidlap daw naay gustong ipaambit
Pero adunay utlanan ang tanan
nahanaw ang mga tingog sa'kong dunggan
gitapos sa hangin ang iyang pakighinabi kanako
ug ang bato nahimo nang aso.
Mipiyong ako ug nakigsaysay sa'kong kaugalingon--
puno sa kalibog ug kuwestiyon
wa ko damha, apan may nakita akong kahayag
ug diri kanako, kini adunay gipadayag...
--Donz 05.03.17
#TaknaSaKamingaw :D :D :D
Recent comments
1 week 4 days ago
1 week 6 days ago
7 weeks 1 day ago
17 weeks 4 days ago
20 weeks 6 days ago
32 weeks 6 days ago
32 weeks 6 days ago
34 weeks 1 day ago
39 weeks 10 hours ago
39 weeks 11 hours ago