Home › Blogs › Wangan's blog

Kalahi.an sa 'basin' ug 'tingali'

Wangan's picture
Sun, 01/27/2019 - 05:54 — Wangan

Kining duha ka pulong amgid ra ni sila, apan lahi ang matang sa panggamit niini. Pananglitan;

Basin - magamit ra kini kun sugod sa hugpulong.
T1: "Asa na man ning atong mga kauban sa thesis?"
T2: "Basin naa pa sila sa ilang balay na tulog."
T1: "Asa man diay to siya ga suroy-suroy gahapon?"
T2: "Namisita tingali to siya sa iyahang uyab."
 
Tingali - magamit kini tunga o kinalasan sa hugpulong.
T1: "Asa na man ning atong mga kauban sa thesis?"
T2: "Naa pa sa ilang balay, nangatulog pa tingali."
T1: "Asa man diay to siya ga suroy-suroy gahapon?"
T2: "Basin namisita sa iyahang uyab."
 
Kun mabantayan ninyo, ang kalahi.an;
Ang 'basin' kay bulanos jud (direct speech) magamit sa hugpulong.
Ang 'tingali' kay dilahos (indirect speech) ni siya magamit sa hugpulong.