Meet Inday,/ from Barangay Maingay.
Amigo'g amega/ tibuok barangay.
Batasan niya/ makig angay-angay.
Pero makakita/ ug away usahay.

Naay panahon/ nga magpalipay,
Kay si Inday/ sige lang ug talidhay.
Naay panahon sab/ nga makamahay,
Kay si Inday/ pataka'g pangaway.

Tanan iyang mabatian!
Tsismis gikan sa silingan.
Hinungdan mag-away ang tanan!
Kay pataka ug tabi/ sa iyang nadunggan.

CCTV ni Inday/ ga-andar permi.
Tanan pulong/ kabalo kini.
Istorya nga madungan,/ iyang palabian!
Sakit ni Inday/ ang pagkatabian!

Kapoy kaayu/ ning mga tabian
Ilang baba/ lami estepliran.
Dili na jud na malikayan,
Naanad na sila/ sa ilang binuhatan.

Ayaw ipadayun/ ang imung naandan!
Para dili ka/ masinghagan!
Ayaw buhata sa laing tawo/ ang imung di ganahan.
Para dili ka/ panimaslan.

Isabwag/ ang tinuod nahitabo.
Ayaw i-istorya/ ang dili mao.
Dili na maayu/ sa igkasitawo.
Ug dli ka e bless/ sa atong Ginoo.

Pagkatabian ninyo/ wala nay padulngan.
Di ka mo asenso/ kung mao nay puhunan
Tarunga imung batasan/
Aron wala kay matumban.