Pamati-a ang gibati ko

Genamos_US's picture

Pamati-a ang gibati ko
By Genamos_US of Washington DC, USA

Niadtong usa ka dili malimtan nga higayon
Samtang nagdung-aw ko sa kaanyag sa palibot
Ibabaw sa tambuanan sa akong hunahuna
Ang imong panagway daw nilabay nga usa ka bugnawng hangin
Nga nikuray ang akong kahiladman sa tumang katugnaw

Dili ko masabot ang gibati kung kiwag ning akong dughan
Kung kini usa lamang ka alimongaw
Ug sa akong pag-aninaw samtang nagka-awop ang adlaw
Ang iyang kahayag maoy naka-uknol sa iyang palibot

Ang iyang gilaw nilahos sa kahilum
Nga nidakin-as sa lumoy niyang mga buhok
Ug didto niluta ang kaanyag nga walay sama
Inubanan sa madanihon nga pahiyom
Daw usa ka sining sa Mona Lisa

Ug dinhi nasiak ang kahilum sa akong dughan
Nga ang tinubdan sa tingog
Naggikan sa hinagawhaw sa akong kasingkasing
Ug didto natawo ang lengguwahe sa gugma
Nga dugay ko nang gilitok ilawom ning akong dughan

Ngano man, kung sa takna nga ikaw akong makita
Daw ang akong dila masangit sa talinggab sa imong imahe
Nga dili ko masabtan ang dughan ko nga puno sa pagbati
Nga kanimo gusto ko kini ipabati

Comments

Genamos_US's picture

Ang orihinal man gud nga

Ang orihinal man gud nga sentence ani kay:
"Niadtong usa kahigayon nga dili ko mahikalimtan". Akong gipang copy and paste man gud kini mga pulong. nagkarambol, unya akong gi-transpose ang mga pulong. Gihimo nalang simple ang sentence. Aron dali ra masabtan...hehehe.. my mistake..thanks. Anyway, keep reading and please do send your honest comments. Mabuhi ang mga bisaya!