usahay makatawa nalng sad tag kalit
samtang nakahinumdum sa kagahapun nga tam-is pero mas daghag pait
katung panahon nga nagtoo kog ikaw ang gitagana..
ang gitubag sa ginoo kadtung nangutana kog hain na
ang kapikas nga gibuhat niya para sa akoa

nagsugod sa barkada barkada
inamiga inamigo ra, walay malisya
hangtud sa nikalit ra
imong pagtan aw nako, mas pilit na

sa mga gunit nimo sa una
hapak agbay, baliwala ra
ug kun naunsa, wa nako damha
nikalit man lang kog gibatig malisya

kabalo kaba boanga ka?
sa matag higayun kani adto
nga atong mga kalimutaw magtagbo
mukalit lag kirig akong mga unod
nya musuka kog daghang rainbow? :D

ug sa dihang nagka 'KITA' na,
malipayun man pud ta ug puno sa gugma
daghag mga pagsuway ug away away
aw normal raman pud nuang awayay
basta wa lang kunoy buwagay

akong kasingkasing nga unang higayun nahigugma
daw nanghubag kay magpalpitate kung dool ka
di man unta ko mestisa, 
pero akong aping baling pamuwa
basta kanako mupahiyum naka

gwapa ug sexy kaau akong paminaw
murag taas kaau kog ilong sa imong panan-aw
ingun ani d-ay ning mahigugma?
murag maka blooming nya maka gwapa
pero atik ra hahaha

sa pag labay sa mga katuigan hinayhinay nga nahabi
mga plano ug damgo sa atong kinabuhi
ikaw ug ako sa umaabot, 
nagkuptanay atong duha ka kamot
dungan nga makigbisug ug maningkamut

apan kng unsang tam-isa ang mahigugma
mao sang hapdusa kanang binuangan ka
daw naboak sa makdaghan ang akong kasingkasing
sa higayun nga naka amgo kong naa nakay laing ka ering ering

akong mga kamut nga kani adto permi nimong kupot
namugnaw, nangurog sa tumang kasakit sagul kalagut
nagdumili sa pagtoo nga wa nay ikaw ug ako
naghandum nga unta nagdamgo rako

ang akong dughan nga napuno sa gugma
daling nabuak, nadukmog ug wala na ni pitik pa
ni undang ug tuyok ang akong kalibutan
wa ko nagdahum nga kasakit ray dangatan

dihay higayung nakapangutana ko
nganung nahitabo man to
nganung sa akong kinabuhi niabut ka 
nga dili man diay ta alang sa usag usa

parallel lines lang?
nag sabay pero di mahimung magkuptanay?
or apprentice lang jud ta,
experience para mas ma andam ta,
sa taw nga tinud-anay nga para sa atoa

bisan tood ug grabing kasakit akong nahiaguman
ni uwat ug dako ang samad nga gibilin nimo kanako
nitatak sa akong dughan ug alimpatakan
napasaylo na tika ug dugay nang nakalimtan

ug karun nga ok natang tanan
ang nabuak na kasingkasing naayu naman
malipayun ang akong dughan
mga plano natong gibansay nangatuman man
apan dili nalang kamut nimo ang akong gikuptan..

--end--