KANUS-A ?
By Genamos_US of Washington, D.C., USA

Nagpanghupaw naghunahuna dinha kanimo
Nangandoy magkakita ta sama sa kaniadto
Mausab pa kaha kadtong bililhon na mga gutlo ?
Mahinamon nagpaabot kanimo sa imong pagbutho

Kanus-a pa kaha kita magkakita pag-usab ?
Sa imong paglakaw dughan ko daw gidunggab
Mao na ba kaha to ang katapusan o ang sinugdanan ?
Ning gugma kung giandam kanimo ihalad ko ang tanan

Hangtod kanus-a ako magluhat dinha kanimo ?
Itugyan ko na lang ba ngadto sa kamot sa Ginoo ?
Nangindahay kanimo sa imong tam-is mong tubag
Basin ang kasingkasing ko sa kadali mohubag  

Kung ang atong duha ka mga pagbati usa ra ba ?
Kay naglibog ko kon ako ra ba ang nahigugma 
Kon magpabilin ba tang duha na managhigala
O kaha pilion ta ang paghigugma sa usag-usa

Hangtod kanus-a ko ikaw makita pag-usab ?
Kay ang kasingkasing ko kanimo daw nagdilaab 
Nahadlok ko na basin masunog ko sa akong pagbati
Na nabilanggo sa gugma nga dugay ko kanimo ipabati
 
Kanus-a ko kaha matilawan ang tam-is mong halok ?
Katam-is kaha bisan sa damgo lang o sa akong pagpamilok
Kanus-a ko kaha mabati ang init mong mga gakos ?
Basin mapalid ko kon akong matilawan sama sa kusog na unos

Kanus-a ?