Karon ang permiro ko nga pag-apil ani nga site.
Ka anindot ba batiun nga aduna diay lugar nga kita mga bisaya magkahimamat ug maipasigarbo ang atong pinulongang binisaya. Kay ang mga bisaya ilabi na gayud kitang mga Cebuano proud kaau sa atong pinolungan. Klaro kaayo kini hilabi na jud kung naa gani mu-anhi sa atong lugar nga mga Tagalog, muingon dayun kita nga "mag-tinagalog gani mi kung muadto mi's Manila, kinahanglan mag-binisaya sad jud mu kung anhi mu's Cebu". Hinuon, kaning pamulunga murag naay gamay'ng disgusto sa mga Tagalog nga naay pagbating superior sa atua. Apan, tungod sad kini sa atong gibating kalisud paglituk ug pinulongang tinagalog. Mahimo lamang kitang kataw-anan. Mao na para malikayan ang kauwawan, kita mgduha-duha na hinuon ug istorya'g tinagalog. Dal-un na lng nato sa pag-pinilosopo. 
Apan, malingaw sad ko maminaw sa ubang mga FM stations diri sa Luzon. Kay ila man kanunay gamitun ang atung mga komon nga mga ekspresyon.  Sama sa "kadjut lang", lupig sila" ug "gyud". Subu lang pamalandungon nga para sa kadaghanang mga Tagalog basta bisaya gani pasabot ignorante...katabang. Mahimong ilang gisuno o gipa-uso ang atung mga ekspresyon kay tungod kini lingaw paminawon kay lahi sa ilang pinulongan o para i-mock lang kitang mga Bisaya. Apan, bisag unsa pa ang tinubdan aning pagka-uso sa tong ekspresyon sa mga tagalog, hilabing kalipay nako nga naa na ning mga call centers kay kita na pung mga Bisaya ang malingaw sa ila nga mga tagalog. Pagkalisud para sa ila ang mag-iningles. Kita sa atung panimalay, di pa gani kabaw mulakaw ang atung anak istoryahun na nato ug iningles. Kasagaran na kini sa atu. Gani kung mgsakay ka ug jeepney basta naay bata, mag-iningles na kita kung kita makig-istorya sa ila. Apan lahi sa mga katagalogan, kadaghanan sa ila nagatuo nga para lamang sa mga adunahan ang pag-gamit ug ingles nga pinolungan. Mao nga maglisud ang kasagaran sa ila mag-iningles.
Busa bawus-bawus lamang ta ani. Kung kasagaran sa atu maglisud ug tinagalog, sila usab maglisud ug iningles.
Way mahay! :)