Home › Blogs › 's blog

Some of my Composition

Tue, 02/22/2011 - 19:57 — Wail

 "MABUGNAWON"

Duyog sa katam-is sa huni sa ulan, 
Kauban sa guitara ug magkanta ug mga awit ang ganahan,
Sa kainit sa kape gi-asam2x ang kalame sa kagabi-ihon nga malinawon,
kanimo ako mingawon gyud dayun labi na karun nga ang panahon mabugnawon...

 
 
"GAMHANAN, WAY KAPUSLANAN"
 
 IKAW nga nipabuka sa mga kabulakan nga nagpapukaw sa kalibutan,
nagpabugnaw sa kahanginan, nagpakanta sa kalang-gaman, nagpatin-aw sa ka-sapaan, nagpalinaw sa kadagatan, nagpahayag sa kalangitan, nagpalutaw sa mga kabatohan, nagpakinlaw sa mga kadahunan, nagpaundang sa akong kalibutan, 
WOW gamhanan??? Unsa ka Super Sayan??? hehe..

-Mags...ugod nalang ko sa akong mga tun-anan, kaysa magpost2x ug walay kapuslanan-

 
 
"SAYANGAN?"
 
Mga balak, awit ug tinapigan kong mga sulat,
Nakawang lang ug nausik nga sa kahanginan nilupad;
Kay gipugngan sa anino ning pagduha-duha,
Ako nalang ba kini tanan sayangan?
Mga tam-is ug nindot kining litokon,
Gusto ko na kini kanimo ihunghong;
Tulo ka mga pulong nga mabulakon,
Maghulat na lamang ba sa ingun nilang "saktong panahon"?
 
 
"ILUSYON"
 
Adlaw-adlaw nalang ba dalhon kining ambisyun nga dili maangkon?
Kanunay ba antuson kining pagbati'ng natabunan na sa patay nga mga dahon?
Daw bituon nga lisud kab-uton ang ka-imposible sa akong ambisyun.
Permi nang pukawun ang kaugalingun sa mga damgo nga sa reyalidad nitabon.
Lisud dawaton, ang awit nga sige dumdumon usa ra diay ka-ilusyon.
 
 
"VALENTINES DAY"
 
Ugma ang GUGMA kanato mopukaw, pgminahalay sa tanan mopatigbabaw;
Katam-is ang mpakatawa ug molingaw, ky panahon lage sa GUGMA man daw.

Huni sa kalanggaman ug huyuhoy sa kahanginan, Musikang gikan sa kabuhatan;
Musika nga nitimpla sa kpanahunan, Ug nipagilok sa kasing2x natong tanan.

Wa naku kabalo isulat pa... basta ani ra...
Halata ra ang walay DATE ugma, kay sa facebook nakaonline imong makita.

 
 
 
"KUPIDO"
 
 
 Dpat ba kita nga ampingan? o pugson na lamang nga ikaw kalimtan?
O kupido, nganu ing-ana man? Ako ba imo ra gdula-dulaan?
Di baya lalim ning magugmahan? Labi na kung ang baye pirte ka angayan;
Mgpa-pana nalang ko nimo utro o kupido, Pero ayw sa kasing2x ko e-sintro;
Ang imong pana ibunal nlang sa akong ulo, Arun mhigmata ako nga siya di p...ara naku;
Btaw o kupido joke ra to, kasakit kaha anang bunalan sa ulo.
-hehehe-
 
 
 
"KATUGNAW"
 
 
Atong tagamtamon ang katugnaw sa panahon,
Ang kainit sa atong dugo atong bation;
Paghangkopanay, gunitanay, ug paghagkanay ang lami karun,
PAGMINAHALAY kana siya kung tawagon;
Ang huyuhuy sa kahanginan nga pangitaon,
Akong palamion pinaagi sa huni sa guitara ug awit nga mamingawon...
 
 
"KAPE"
 
 
Kainit mong ni dalagan sa kaugatan sa tibuok kong kalawasan, 
Gikan sa ulo hangtod sa kinatumyan sa tiil kong nabugnawan;
Nganu man kong ting-ulan dghan knimo ganahan,
Pait-pait man unta ka pero pangitaon man?
Para nku usa kini ka-pahinumdom sa tanan,
Ang kinabuhe dli molame kng puro ra katam-is tanan;
Kay sa kapait ang kalame atong natagamtaman,
Sama sa ulan nga lame kapehan ky ang kabugnaw ug kainit nag-uban.
 
 
"ULAN, UNLAN O MAULAWAN?"

Ulan nga ngpalangan sa pg-adto ko sa skwelahan,
Ulan nga nipabugnaw sa kahanginan ug ngpamingaw sa kadaghanan;
Ulan nga mkapatapulan nga ang pgligid2x ug pgtulog nalang mahunahunaan,
Ulan nga nibasa sa kabuhatan ug sa unlan diri sa akong kauban;
Dakong katingalahan ky wala man pud unta sa ulan naabtan?
Pirti diay lamia sa iyang tulog nga na laway-lawayan na niya ang iyang unlan.
Pastilan... ULAN...
 
 
Karun nga nag-ulan, kaw napud sige madumdoman;
Ang mga tulo nga madunggan, nagsinggit sa imong pangalan;
Nakigdungan sa kabugnaw sa ulan, ang kabugnaw pud sa mong tinagdan;
Nganung ing-ana ka naman, akong pagbati imo na kahang nasakpan?
Sultihe lang ko kung unsa imong ganahan, kantahan? sultihan? o kaha balakan?
Ako ingna daan para ako dayun karun praktisan, para di ko maulawan kanimo nga akong bulawan...
 
 
 
"KUYOGAN" 
 
Kung ikaw ang KADAGATAN? 
ako ang mahimo mong BAYBAYON nga kanunay mong maduolan 
kung nagbalud-balud mong mga problema di na mapas-an;
Kung ikaw pud BULAWAN?
ako ang mahimo mong KAYUTAAN nga mahimo mong tagoan
arun sa mga mapahimuslanon di ka abusaran;

Kung ikaw man ang mga KABITUONAN?
ako ang KALANGITAN nga mopakita sa tanan
kung unsa ang imong katahum nga nagpa-anyag sa mangitngit kong kalibutan.
 
 
 
"AMBISYON O LEKSYON?"
 
 
Karung gabie mkatulog ko'ng malinawon, ky nkita ko ang ktawa mong bulawanon;
Bisan ikaw dili maangkon, pero ako magpadayun ra gihapon;
Sa gugma ko knimo ako naulipon, Mura ug dahon sa tubig naglutaw ug nagpauyon;
Hoy shacoi ayw pangambisyon, exam nimo ugma pgtuon na tawon. -paets.ba.ani-
 
 
 
"KALUNHAW"
 
 Katahum akong gibati sa dihang namatyagan ang bulawano'ng kutis nga sinaw,
Kay daw nagpukaw sa kabuntagong matugnaw ug kasingkasing kong gimingaw;
Katawa mong magamhanan nga bisan unsang bagyoha mahimong mohuyaw,
Kay dili nila maantos nga sa lambing mong boses dili makapaminaw;
Kagwapa nga daw kawata'ng nikuha sa tanang maayo sa kalibutan...,
Kay ang katahum nga akong makit-an anaa raman jud nimo tanan...
 
 
"WHY??!!!"

Usahay ako magmahay kay ako nahigugma sa anghel nga wala naku kaangay,
Makita lang siya, maistorya gamay, pirte na nakong kalipay;
Pero kung huna-hunaon kalipay naku pirte jud tawun kagamay,
Pero ako kanimo gaud magdugay kay kining gugma ko kanimo dili man lumalabay;

-susama sa pagskwela ni shacoi na duha na katuig nadugay, hahay-

 
 
 
"NGANU MAN"
 
 
Karun gabie nga nag-ulan, naglumba ang kamingaw ug katugnaw;
Unlan'g hugot nga gihangkupan, kay ikaw man ang pirme mahuna-hunaan;
Apan sa buntag ang akong namatahan, ang baho sa laway sa akong unlan
Nganu man???

 

 
"INTAWUN"
 
 
Sa kagabi-ihon ikaw handum-handumon, 
Arun sa pagkatulog ikaw akong damguhon;
Mga bato sa tubig kaya kong palutawon,
Sa gugma ko tanan gahum akong maangkon;
Apan skit hunahunaon, nga sa pagmata ko muta ra akong maangkon...
 

 
 
"SUGDAN"
 
 
Gabie imong boses aqng ndunggan, mura ko'g nilupad sa kahanginan;
Kapaet ning ing-ani, itago nlang ba prmi?
Sa gugmang gitanum, wla man cguro ko'y maani..
Abi nku nga aq kusgan, sa mga prblema di ko madutlan;
Pero di man ka prblema ky grasya ka man, nga dapat gyud pangga-an..
Ang dakung problema kining aqng tun-anan, ky bisan usa wa paku'y nasugdan;
Prelim na shacoy! kana ang kamatuoran, Pagtuon na intawun!pastilan..
 
 
 
"TAPUSON"
 
 
 
Kagahapon, karun, ug ugma puhon; Ikaw rajud akong higugmaon,
Korny man paminawon; Pero ako gihapon kini padayunon,
Ang dagat kaya nakong lakwon; Ang mga bituon kaya nakong abuton,
Ang mga bato akong palutawon; Kay kanimo tanan butang akong kayahon,
Wa naku kabalo kung unsa pay sultihon; Ani nalang, kalit nalang naku tapuson.