ingon nila ang lalaki di mohilak
pwes silang tanan namakak
kining dughan nga kapila na napahak
biktima sa gugmang giahak
————————————————————————————————
mga mata ko nga napuno na sa luha
dihang sa kalit ikaw nibiya
oh Diyos ko ikaw na ang bahala
sa kinabuhi ko nga murag gisumpa
————————————————————————————————-
mao nga ang inyong alagad nipanaw
og didto sa Taiwan nilangyaw
apan ang sakit wa gihapon nahanaw
kining luha daw baha nga nibanaw
————————————————————————————————-
usahay maka huna huna ako og daotan
kinabuhi ko ka nindot pag utlan
kay wala kana sa akong kiliran
basin og nindot sa laing kalibotan
————————————————————————————————-
kadali baya nimo nakalimtan
sa dihang ikaw akong gibalikosan
tanang bahig atong gisuwayan
ginamit ang mahait kong hinagiban
————————————————————————————————-
nagdungan kita og tungas sa langit
mi agolo ka samtang akong ngalan gisangpit
og didto sa kinauyokan ni dagayday
ang atong duga sa kalipay
————————————————————————————————-
sulod sa dugay nga panahon
tanang kasakit akong giluom
hangtod nga naayo kining samad
sa dughan ko nga imong gidunggab
————————————————————————————————-
apan mao nalay akong nahibaw an
nga ikaw sad diay gibiyaan
nya karon gusto mo akong balikan
aron imo na usab nga pasakitan
————————————————————————————————-
asa ka sa dihang ako naghilak
didto ka sa imong laki nagpasabak
maong ako ga sige nalang og balak
para malimtan ang gugmang tabaghak
————————————————————————————————-
dili na gyud tika madawat
human sa grabe mong gibuhat
mga mata ko nga naoghan na sa luha
tungod sa mga daotan mong tinguha
Recent comments
2 weeks 5 days ago
5 weeks 5 days ago
7 weeks 4 days ago
14 weeks 6 days ago
17 weeks 4 days ago
18 weeks 6 days ago
19 weeks 4 hours ago
19 weeks 1 day ago
24 weeks 3 days ago
24 weeks 3 days ago