hulagway

 
unsa man gayud kining maong hulagway?
panumduman nako nagtuaw nagsud-ong sa mga dagway,
gusto ko'ng putlon ang halawon nga panhanduraw,
sa mga pan-os, pait nga handumong kagahapon....
 
nakita man gud nako ang malipayon ug mabulukong hulagway,
sa gitawag ug "face book" gi-sundayag ay mga dagway,
mga kaubanan sa baradero malipayon ug lawom ang kandiis sa pahiyom,
naa si mana fe, si amigong tony, ang nahutdan nag buhok nga si junel,
ang sadya kaayo nga si ruel, ug pakapinan ni boboy (as boyax) morag nagtiniil,
kuyog sa mga matahom ug mapahiyomong mga bulak, sama ni mary ann sa kiliran,
si ma'am clarissa nga hilomon, pakapinan ni ma'am charmy nga charming joy,
pakapin si jerry boy, ug naa ang puso boy,
si amigong vic aw nud'z nagbitbit kay gigutom na uroy,
 
sa kalit lang ko naalimpungatan, kay mibundak ang makusog nga uwan,
daw unos nga mihabol ug gibati ko'g katugnaw nga unta sa sud wa man giuwan,
unsa na ba diayng orasa, nga  wa naman koy namatikan,
sa bong-bong gisab-it ang among orasan
alas tres nas kaadlawon ay pastilan,
kalawom diay sa akong handuraw,
kataas sa kutay sa akong imahenasyon,
kalayo sa akong naabot nga gani ako
mipahiyom sa akong kaugalingon,
 
pagkamalipayon namo niadtong panahuna,
mga talidhay ug hudyaka sulod sa among opisina,
mga sungog nga usahay makabungog,
dayog hilom unya luom kay adunay gitumong,
unya magtinan-away ug kidhat ginagmay.
 
ingon niini ang among kalipay kaniadto,
tungod sa kakapoy among utok magmaoy,
kay kining among trabaho maglingkod nga maglihok,
dili ang among lawas kun dili ang utok,
kay sa bayranan sa barko kanunay magkompyot.
 
..... alang sa mga taga baradero komersyal opiser.....Keppel Cebu Shipyard, Inc.....
enero byente siete dos mil onse sa alas dose e trayntay otso sa udto.......Kwaknet