Oh Balot ko'ng gipangandoy,
Sa kadalanan ikaw gisuroy-suroy.
Ginasinggit sa mga dagko ug tingog
Ang imong ngalan sa kagabhion gipalanog.

Usa, duha, tulo, daw dili jud kapugngan,
Upat, lima, unom, Murag walay katagbawan,
Sa pagkaon kanimo akong matagamtaman,
Ang walay susama kalami nga pagkaon dinhi sa kalibutan.

Adunay dise-syete ug adunay dise-otso,
Adunay dise-sais ug pinoy daw linghod pa kaayo.
Apan aduna jud koy pinaka paborito,
Kini mao ang Likos nga pangitaon kaayo.

Sa panahon sa kagutom imo kong gibusog,
Sa panahon sa kaluya imo kong gibaskog.
Apan adunay panahon nga imo lang kong pagalabyan,
Sa panahon nga walay kwarta ug ako magalaway na lang.

Oh Balot ko'ng kinaham.
Sa imong ngalan ako magadagan,
Andama ang likos, asin ug sukang sinilian.
Kay anina na usab ako sa pagkaon, nagahinamhinam.

Unya na lang nako tiwason ang akong balak,
Kay basin sa pagbasol ako magahilak,
Kay nabati ko na ang singit sa kadalanan,
Ang Balot nga kaganina ko ra'ng gihuwatan.

Nahapatik usab sa:
http://www.hilongos.com/showthread.php/45-Ang-Balot