Sa Facebook una kang nakaplagan

Miaging tuig kadto kon akong balikan

Maanyag nga dalaga sa ayagan

Mikulit sa akong mga sentido, miukay sa akong galamhan

Ikaw nga makalulumay ug makabibihag

Duyogan sa dughan mong mahunahunaon ug busilak

Dalhon ako sa kasadya bisan lagyo kita

Dili gayud kita linain, daw ania ka

Bisan kon sa miaging tuig nahimo tang managhigalang birtuwal

Karong bag-o lamang misulay ako

Gihalad akong kaugalingon kanimo, akong mahal

Karon pinaagi sa cellphone, mga hagawhaw ta atong gitago

Bisan kon dili man kita tigkita

Mabatyagan ta ang tumang sinseridad sa atong dughan ug hunahuna

Atong kaugalingon gihan-ay sa kaayuhan

Nanghinaot nga ang panaghigalang gi-ampingan hangtod sa kahangturan

Gigiyahan ako sa mainit nga panghinaot

Ang adlaw sa panagkita ta atong makab-ot

Buhaton ang tanang di-malimtan taliwala sa matag pulong nga buhian

Mulungtad hangtod sa katapusan tang gininhawaan

Hibalo ako sa Antique anaa ka

Mga pag-ampo ug labing mahinungdanong tinguha akong ikahalad

Nagdahom nga akong mahupay imong kahingawa

Ug matikang mo ang mga butang nga nagbabag

Panahon ray nasayod unsay umaabot kanato nga nakahan-ay

Apan atong gipalabi ang himayaong pangindahay

Bisan kon ang tanang butang lumalabay

Ang panaghigala ta mas bililhon sa atong pagsulay

Utang buot ko ang pag-abli mo sa imong gangha-an

Naga-saad ako nga mahimong takos kanimo lapus sa kahangturan

Nagtinguha ako sa kahapsay mo akong mahal

Alang kanimo, O Marelyn, intawon imong madunggan.