Matago ko man ang kangit-ngit,
Na sa akong kagahapong gibitbit,
Ug sa mga gilikayan kong mga hagit,
Sa akoa karon nagpalisud ug naghatag ug kasakit.

Mahimo ko matago ang mga anino,
Apan dili mahimo, ako sila ipabilin.
Makagawas man ako sa pagkapreso,
Apan dili ko ka ekyas sa nabuhat kong kremin

Mahimong malampuson ang akong paglakaw,
Posibleng malipayon akong mga adlaw,
Pero akong gibatyag ug sa akong paminaw,
Wala siya nalipay, kay sa ako permi siya nagtan-aw.

Unsa nko pagpadayon?
Kung karon na panahon, 
Sa akoa wala mouyon,
Tungod sa ngit-ngit kong kagahapon.

Paliton ko ang tanan,
Kutob sa imong magahan,
Engon-ana ko ka adunahan, 
Nag-awas, murag wa nay ikasudlan.

Ihatag ko sa imo,
Ikaw mahimong bilyonaryo,
Kung dawaton ni nimo,
Murag nakajakpot sa lotto.

Gugma kong adunahan,
Buhaton ang tanan, maangkon ka lang.
Gugma kong adunahan,
Ehatag ang tanan, mapalipay ka lang.
Gugma kong adunahan,
Di makaankon sa uban, usa muangkon, ikaw lang, 
Gugma kong adunahan,
Ihurot ang tanan, kung mahutdan lang!?

Kabugbaw sa kabuntagon,
Naglisud ako ug bangon.
Kanindot na paminawon,
Palibot na malinawon.

Ang gipas-an kung bug-at,
Ning gaan sa pag-aswat,
Puno man ug kaparat,
Padayon ang paglakat.

Kinabuhi may daghang pagsuway,
Di malikayan kita magsakay,
Maunlod o mulutaw ang baybay,
Ang mga balud ra`y mupaangay.

Usahay, ako maproblemahon,
Di ko matalikdan ang panahon,
Akoa gyud silang atubangon,
Kay ako nasayud na makat-on,
Ug ako mahimong makusganon.
Sa akong bag-ong kabuntagon.

Agianan sa mga ligid,
Kalsada'ng may daghang bakilid,
Gipangtabas mga bukid,
Mga kurbada, mga tul-id.

Nagsakay ko sa mga balod,
Pag-angkas ko sa iyang likod,
Pagsaka ngadto sa panganod,
Sa pagnaog, ako naanod.

Ang mga tag-as na kahoy,
Bugnaw na hangin nitaghoy,
Di mabatyag ang kakapoy,
Mawala ang pagkaminghoy.

Kuyog sa mga kadungan,Tuyok muhunong sa dalan,
Kay paangkason ang uban,
Ug ipadayon ang dagan,
Hangtod sa among paeng-nan.

‪#‎PulongBisaya‬

Imong ulo maglabad,
Sa agianan na gibuklad,
Mga tul-id nilubad,
Daw bitin na nagsikad.

Ang tiyan di kaagwanta,
Sa likuong mangulata,
Ang nawong di mahitsura,
Sa likuong bun-ogon ka.

Byahe'ng daghang kurbada,
Sa paminaw di makaya,
Sud-an na aslom na baka,
Murag mubalik ug saka.

Molili kung asa na dapit,
Kay akong tinae nagpilit,
Sa drayber gusto mosampit,
May nag-ongong na jud na igit.

#PulongBisaya

Hapit na usab muabot,
Ang panahon sa paglibot-libot,
Aron mga tawo ilang makab-ot,
Pinaagi sa ilang pag pamotbot.

Ang panahon sa piniliay,
Ayaw'g padala sa mga pasumbigay,
Aron ma unhan ang pagmahay,
Na atong napili, sayop diay.

Kung taas pa ang panahon,
Na sila atoang ilhon,
Ug ato silang sutaon,
kung angayan ba sila atong
pilion,
Sa umaabot na eleksyon.

Ayaw padani sa kahumot,
Apan hugaw ang mga kamot,
Balika ang gipangdaot,
Kung natul-id ba ang nangagubot.

Tan-awa kung unsa ang nabuhat,
Ayaw'g patakag panagat,
Susiha kung asa ang mas bug-at?
Lider na atong naandan, 
Apan walay kausaban? O,
Sa lider na wala nato maandan,
Apan atong nasayran ang kalambuan,
Sa lugar na iyang gipanguluha...

#DU30

Dili ko na malimtan, 
Ang mga naagian, 
Nagsubay ta sa dalan,
Sa atong kalibutan, 
Na puno ug gugma
ug dili na mapug-ngan.

Mga kamot hugot nakuptanay,
Kay kitang duha naghigugmaay. 
Agi-an man ug pila ka linog, 
Dili gayod kita mangatay-og.

Ang kaanyag mo nakita ko,
Tayhop sa hangin sa buhok mo,
Samtang nagtutok ko kanimo, 
Sama sa Anghel ang nakita ko.

Ikaw ang nahimo kong kusog,
Pag-atbang sa mga pagsuway.
Ikaw sa ako nagpabusog,
Ug gugma ug mga kalipay.

Bisan pa wala kana,
Hangtud karon ikaw pa,
Ang akong gihigugma, 
Ug dili na malimtan pa.

Sa atong pagpuyo sa kalibutan,
Kada-usa ka nato may gituohan,
Sa atong pagmata kada-adlaw,
Kaugma-on nato, di matan-aw,

Kinabuhi na atong hinulman,
Wai makasiguro anus-a mahuman,
Sama sa usa ka sapa na tubigan,
Wai makasiguro anus-a mamalhan,

May kina-iya kitang gitu-ohan,
Apan, di man nato maangkon,
Gituohan ta, wai kasigurohan,
Bisan unsa kalig-on,

Wai nahibalo sa kabuntagon,
Wa kita masayod sa panahon,
Puon-an man mahurot ang dahon,
Kinibuhi nato posible iyang bawi-on,
Sa walay kasigurohan na panahon...

Nagtuo ko,
na ikaw nahigugma sa akoa,
Gisunod ko,
tanang gipangtugon mo sa akoa,
Nabuta ko,
sa kaanyag mo na murag dyosa,
Gisamba ko,
na ikaw ang gituohan kong Rayna.

Kalit lang ako ning pilit,
Sa akong nakita,
Na ikaw! sa laing laki nagpakitkit,
Mura kog mahagba,
Nagbatyagan sa dughan ko ang kasakit,

Gitikasan mo lang, ang kasing-kasing ko.
Gitikasan mo lang, ang pagsalig ko.

Unsa man akong sala?
Nganong imong gitikasan?
Kulang paba akong gugma?
Maong sa uban, imong gipapun-an?

Kung unsa man ta karon,
Sa pagsubay ning kahayagon,
Pagsalikway ning kangitngiton,
Nasugdan mao ang kinaon.

Nasamad sa pagsuway,
Moundang aron ipahuway,
Giusab kay ilang gisaway,
Nasugdan sa pagbansay-bansay.

Kaalam maong nakuha,
Sa imong pagtungha,
Kung ikaw naninguha,
Ug sa way duha-duha.

Ang nasugdan ang seryosoha,
Nasugdan mahimong giya,
Apan kasing-kasing paminawa,
Huna-huna, pangutan-a,
Nasugdan mahimong kinaiya.

Ayaw kawala ug paglaom,
Bulak man musira sa dulom,
Apan sa kahayag magkita usab ug katahum,
Atubangon tanan adlaw, bisan pa mga dag-om.