Home › Blogs › 's blog

Hi, I need help in translating this lyrics into Cebuano.. I will be using it for my wedding invitation.

Tue, 09/25/2012 - 17:52 — Wail

 
Everything happens for a reason
And if you stand right where you are now
And you look down and back to everything
To all the events that lead up to you
Sitting in this room right now with me
You’ll see where the order is and where you are right now is pretty amazing
Where all are, where i am right now is amazing

Comments

Sat, 09/29/2012 - 02:19 — jose

Iningles ug Binisaya nga Kapahayag (Sentence)

 
Ang Kaiphan (number) sa Punglihok (verb)
 
Sa atong paghisgot niini, unhan nato kini og pagbansaybansay. 
 
Pagbansaybansay:
     A] Akong putlon ang kahoy.
     B] Akong putlon ang mga kahoy.
     C] Akong pamutlon ang kahoy.
     D] Akong pamutlon ang mga kahoy.
     E] Atong putlon ang kahoy.
     F] Atong putlon ang mga kahoy.
     G] Atong pamutlon ang kahoy.
     H] Atong pamutlon ang mga kahoy.
 
Pangitaa ang hustong kapahayag: 1._____; 2._____; 3._____; 4._____. 
 
N.B.: (When you consider this exercise, try using the theory of language of Michael Halliday, 1925-, a British linguist: "language is a system of meanings.")
 
Pamahayag:
 
Diha sa pinulongang Iningles, ang kaiphan sa punglihok sa kapahayag nahauyon (agreement) sa kaiphan sa sugpay (subject). Pananglitan: "He/she cuts a tree." Dinhi, ang pulong "cuts" ing usahan (singular), samtang ang pulong "He/she" ing usahan usab. Ang kaiphan sa punglihok anaa gayod nahauyon sa kaiphan sa sugpay. Kon ang kapahayag ing "They cut a tree," ang punglihok nga "cut" nahauyon sa sugpay nga "They"; pulos sila daghanan (plural). Busa, diha sa pinulongang Iningles, ang kaiphan sa punglihok anha gayod mahauyon sa kaiphan sa sugpay, dili sa ugbay. Kon ang sugpay usahan, ang punglihok usahan usab; kon ang sugpay daghanan, ang punglihok daghanan usab. Mao kini diha sa pinulongang Iningles.
 
Apan diha sa pinulongang Binisaya-Sinugbuanon, adunay dakong kalahian. Ang kaiphan sa punglihok wala  mahauyon diha sa kaiphan sa sugpay, kondili diha sa kaiphan sa ugbay (object) sa kapahayag. Pananglitan: "Akong putlon ang kahoy." Dinhi, ang pulong "Akong" mao ang sugpay; ang pulong "putlon" mao ang punglihok; ug ang pulong "kahoy" mao ang ugbay. Karon, ang kaiphan sa punglihok, "putlon", (usahan) nahauyon dili sa sugpay, "Akong", kondili sa ugbay, "kahoy" (usahan). Laing pananglitan: "Akong pamutlon ang mga kahoy." Dinhi, ang pulong "pamutlon" mao ang punglihok, ug ang pulongan (phrase), "mga kahoy," mao ang ugbay. Sigon sa makita, ang kaiphan sa pulong "pamutlon" ing daghanan, ug ang kaiphan sa pulongan "mga kahoy" ing daghanan usab. Busa, sa Binisayang pinulongan, ang kaiphan (number) sa punglihok (verb) anaa mahauyon (agreement) sa ugbay (object). Mao kini ang usa sa mga mahinungdanon kaayong kalainan sa pinulongang Binisaya itandi sa pinulongang Iningles.
 
Jose