Kining atong sosyodad adunay gitawag nga "DOUBLE STANDARD" sa inglis pa. Labi nga kini nalambigit sa usa kanila nga makakauwaw nga aligasyon. Tinood nga kitang ordinaryong katawhan nagtan-aw kanila sa simbahan nga balaanon. Pero usab dili nato wagtangon nga kitang tanan tawo gikaluhaan og mansa sa sala. Isig usa kanato magpasayloanay ug magpahiubos.  Pero kining mga tawo nga nag-imbestigar kanila sa senado ug uban pa, dili ta sab sigurado nga balaan og matuod nga opisyal sa goberno, dili lang nato husgahan nga mas labaw pa sa lapok kining atong Politika sa nasod. Lisod hunahunaon nga nalambigit ang Katolikong Simbahan sa mga kalisdan ug uban pang mga hiwi, sila nasaypan sa ilang tiunay nga buhat ug pagtoo. Pero kung tinood man o dili, and Diyos ang angayan mo hukom kanila, inig unya sa ilang pagtaliwan niining kalibutan ug usab kanantong tanan nga hukman ang atong kasaypanan inig atubang kanato sa Diyos Amahan. Atong ipadayon sila sa pag-ampo ug kitang tanan nga mag-ampo nga magiyahan ang ilang ug atong hunahuna sa pag-alagad kayod sa mga katawhan, makabus man o adunahan sa espiritohanong giya labi nga ang mga timawa natong kinabag-an sa katilingban. Ang atong nasod nanginahanglan sa atong tiunay nga tabang aron kini makatagamtam sa katapusan, ang kalinaw, kauswagan ug masompo ang mga hiwi nga pamaagi ug korapsyon. Ang atong nasod usa unta ka-tigre kaniadto sa dekada 70 unya karon nahimo nalang usa ka iring sungkaban. Nga walay tag-iya ug walay igong pinuy-an, libot suroy kon asa idagsa sa kapalaran. Ang Simbahan ug ang estado dili unta gayud makapingki-ay sa ilang mga dalan ug baroganan kun atong tan-awon ang kaayohan. ang simbahan kung mag-apil-apil mahulog ug dili malikayan nga matagaan ug gamayng kahulogan sa mga katawhan. Labi nga kung mag-apil apil sa politika kay mamansahan ang dagway sa simbahan katoliko kung ang ilang gisuportahan usa sab ka salawayon. Busa kitang tanan magpakabana nga tul-iron kadtong mga bawog pagdumala ug ipatigbabaw ang dalan sa kamatuoran ug Diyosnon nga kinaiya ug panag-ingnan.