Unsa na kining akong na sinati karun?

mo kusug man ug pitik ning dughan kon ikaw lantawon

kinsa bay dili madani sa imong tumang katahum

Dili gayud ako makahinanok kay ikaw man ang pirming huna-hunaon

Wala ko kahibaw nganong akong dagway pirmi nag ngisi

Natakdan na ba kaha kung Jollibee?

o tungud ba kaha kini sa akong gibati?

nga karun lang nahibalik tungod sa kasakit nga mi agi.

Matag oras ikaw akong pirmi dumdumon

matag pitik sa segundos ikaw lamang ang handumon

Udtong tutok na wala pa gayud akoy kaon

tungod nimo nataligam-an nako ang akong balon

Sa matag pahiyum sa imong mga mata

ang akong kasing kasing nagkatibulaag na

Ug sa dihang ang imong matam-is nga mga pulong gikan sa imong baba

Daw mura akog nakakulokabildo sa usa ka Anghel diri sa Yuta

Wala untay katapusan niining gugma na akong nahiaguman

kung pwede lang unta nako gunitan ang imong mga kamot padung sa kahangturan.

kung pwede lang unta  madungog nimo ang hagawhaw sa akong dughan

Apan unsaon ta man malagmit man nimo mabatyagan...

Hay gugma lisod gayud kaayo ipakita

hilabi na nga panagsa  ra kaayo ka magpakita

Hinaot dili gayud madugta ning akong gugma

Nga dili lamang sa paghanduraw nga naay kita...