RADYO BISDAK

Mapasalamaton ako nga aduna pa diay mga tawo nga sama sa tigdumala niining maong kutaydapit (website) nga nagpadayon sa mga kalihokan alang sa pagpalambo sa pinulonga'ng binisaya. Managsama kita bai kay damgo ko usab ang pagpalambo sa atong kultura nga inanay ng gikutkot sa panahon tungod ra usab sa atong pagpabaya ug pagtugot nga kini mahulipan sa langyaw.

Tungod niining maong hagit sa panahon, gidapit ko kamong mga bisaya nga moduaw sa akong kutaydapit (website) http://radyobisdak.com diin akong gipabuhagay sa kasudpokotan (over the internet) ang mga huni nga bisaya. Tumong niining maong payag nga mapakaylap sa tibuok kalibotan ang atong kultura, ilabi na sa natad sa musika nga usa sa bahandi sa mga bisaya. Dugang katuyuan usab, mao ang paghatag ug kahigayonan sa atong mga bisyaw (bisayang langyaw) nga makatagamtam sa kaainundut sa atong kultura ug magkahimamatay sa matag usa.

Padayon akong mobisita niining maong payag aron sa pagpadayon ug pagtuon sa mga pulong bisaya nga sarang nakong magamit sa akong pagpahigayon sa kalihokan nga may kalabotan sa atong kaliwat. Pahalipay ngadto sa tigdumala sa binisaya.com ug magpaabot ako sa inyong pagbisita sa http://radyobisdak.com

Kaninyo matinahuron,

Rolly Wagas
RADYO BISDAK
Texas, USA

Comment viewing options

Select your preferred way to display the comments and click "Save settings" to activate your changes.
hello by enthusiastic (not verified)