ANG KILAY, BOW. he he he. Nahimuot ko nagtan-aw aning mga kilay sa ubang mga

babaye. Naghibat ra, nagkagidlay, law-ay kaayo tan-awon tungod kay nagpataka

ra og pang-ibot o kiskis, tsk...wala ba sila makatan-aw sa ilang kaugalingon

sa samin? Wa bay nakatambag aning mga bayhana? Luoya intawon.  SA napulo

siguro ka babaye na akong makit-an o masugatan sa gawas, duha ray may tarong

nga kilay. Kamong mga babaye nga nagbasa niining blog nako karon, hunahunaa

nga ang kilay ang parti nga pinaka-delikado hilabtan sa inyong nawong. Kaingon ninyo

nga harmless lang ang basta-basta pag-ibot sa inyong kilay, nasayop mo.

Makagwapa ni ninyo pero kung masayop mo sa pagkiskis mosamot ang inyong

kabati og nawong, he he he. Pasayloa, wala ko moingon nga bati mo og nawong,

ayaw lang intawon mo paghimo og butang nga imbis gwapa na untana, nabati na

hinoon inyo nawong kay tungod sa sayop nga binuhatan. Pangutana, pag-research, patabang, una hilabtan ang kilay.  Mga sayop nga pagtuo:

dili tungod kay nipis na ang kilay ninyo, nindot na. NO no no. Dili ko make-up

artist, wala ko magtrabaho sa parlor, pero kibalo ko moporma og kilay kay

kibalo ko mo-drawing og nawong sa tawo. Ayaw sad mo og salig kaayo sa mga

taga-make up sa parlor, kay 50-50 nila akong na-obserbahan wa puy mga tarong nga

kilay. Karon mangutana ka nako, unsaon pagporma sa inyong kilay? Unsay

nindot nga porma aron mogwapa mo? Kung naa pa mo sa akong atubangan, I'll

be glad to teach you. It's all about form and proportion. Kinahanglan mo

mahibalo kung asa magsugod ang kilay, kinahanglan inanay ang pagnipis niini,

dili nipis tanan, dili sad baga tanan, kinahanglan mahibaw ka kung asa mo-curve, mo-descend, asa

mo-end ang kilay. Ingon lang ana ka-simple. Likayi tong mga porma nga nagdaob

nga letter "C" o kadtong bali nga letter "V" nga mga kilay, luod kaayo

intawon, pasayloa, pero daghan kaayo ko nakit-an mga pareha niini. Dili tana ko

mosuwat ani nga topic, pero naluoy ko, nakatawa ko. Ang ako ra man tana main

objective pag-join diri aron magpaambit og mga istorya. Pero karon gusto ko

motabang.

So, unsaon pagporma sa inyo kilay? Sundi ni ang akong mga instruction, balik-balika pagbasa, sabta dayon naa pay video link gikan sa youtube na akong i-recommend ninyo, aron mosuplemento sa uban nakong gisulti…Daghan mga video tutorials ang nagkatag sa youtube mahitungod sa kilay, pero walay koy nakita nga usa kabuok nga kumpleto jud sa pagtudlo, pirmi kuwang, maong napugos ko sa pagsuwat ani nga blog, ang mga link na akong ihatag mga suplemento lamang.

ANG IMONG KINAHANGLANON:

Tweezers….pang-ibot

Sudlay nga gamay

Gunting nga gamay

Samin

Usa ka stick nga straight…pede lapis

Marker….pede eye-liner

ANG INYONG BUHATON:

1. Una, tupihi ang buhok sa kilay gamit ang sudlay ug gunting nga gamay, aron maparehas ang kataason niini, tupong tanan balahibo. Naa guy uban tawo may mga tag-as og buhok sa kilay, makalibog ni sa panahon magsugod na ta pagporma o pagpangibot. Tan-awa ni nga link: http://www.youtube.com/watch?v=oXNL-7dRJLg
2. Ikuduha, kinahanglan nato mahibaw-an ang tulo (3) ka markasyon sa imong kilay nga ginganlan ko og, 1) Sinugdan 2)Palugsong 3)Tumoy. Gamita ang stick nga straight (lapis) ug marker, atubang sa samin, o patabang sa imong amiga, ug markahi ang inyong kilay. Tan-awa ang hulagway X aron masundan ninyo.

1.Sinugdan---tupong ni, ug nahilinya ni sa kilid sa imong ilong pataas ngadto sa gawsanan sa mota sa imong mata dayon sa kilay. Diri magsugod ang imong kilay.

2.Palugsong---ang kurba sa imong kilay, nahilinya ni sugod sa tumoy sa imong ilong dayon ngadto IRIS sa imong mata, ang itom nga gamay sa kalimutaw, ang tawo-tawo, dayon sa kilay.

3.Tumoy---ang katapusan sa kilay, linyada sa kilid sa imong ilong ngadto sa gawas nga kilid sa imong mata, diri ra kutob ang imong kilay.

3. Ikatulo, ibta pagsugod ang mga balahibo nga naa sa tunga sa duha ka Sinugdan. Siguradoa nga tupong ang markasyon sa duha ka kilay.  Markahi ang duha ka kilay. Timan-i, ang usa sa sekreto sa kagwapa kay SYMMETRY,  kinahanglan parehas og porma ang duha ka kilay, pareha kataason. Basin maghibat, kimpang, ubos o taas ra kaayo ang usa ka kilay. Bantayi.
4. Ikaupat, ang pagporma.  Hinumdumi magsugod ka sa baga dayon panipis, inanay ang pagnipis, dili parehas ang kanipson sa kilay. Sundi ang Hulagway Z.

1. Straight line ni padulong pataas hangtud sa Point 2, ang palugsong.
2. Gikan sa Point 2, ikurba ang kilay samtang hinay-hinay panipis.   Drowingi ang imong kilay gamit ang eye-liner, itomi, aron maporma, kay aron naa kay sumbanan ikaunya pagpangibot sa sobra nga balahibo. Balikon ko, dili puro kurba ang kilay ha, sugod ka og straight line, pataas dayon naog pakurba, kuha?

YOUTUBE LINK:

http://www.youtube.com/watch?v=9xmierbr4C0&feature=related

5. Tapos, Ibta dayon ang mga sobra, sundi kadtong imong gi-drowing nga porma.  Tarunga dapit sa may Point 2, sa ilalom, kay diri kasagaran masayop ang mga babaye. likayi ang OVERPLUCKING. Pirmi tan-aw sa samin. Every hair counts, ayaw pataka, importante ang kada lugas sa balahibo. Usa sad nga kasagaran sayop diri, kanang dili masunod ang pag-inanay sa kanip-son sa kilay, naay mga kilay nikalit ra sa pagnipis, naa say baga, nipis dayon nibaga na sad tapos ninipis na sad. Likayi ni.

 vi. Last Advice: Tinuod nga kay lain-lain man tag porma sa nawong busa magkalahi usab ta og porma sa kilay. Magkadeperensya ta sa porma, sa ANGLE, ang RISE, ang pagsaka sa point 2, naay uban, sagka ra kaayo, ang uban morag flat lang, pero kinahanglan pataas ni, bahalag slight ra kaayo ang iyang RISE. Ug ang kanipson, naay uban, baga ilang kilay, pero ang principle mao ra, kinahanglan, magsugod sa baga dayon panipis hangtud sa tumoy.  Bag-o ninyo sundon ning mga advice nako diri, patuboa usa ninyo ang inyong mga kilay, kanang natural ninyo, balik ta sa sinugdanan.  Panid-i, istudyohi ang inyong kilay pag-ayo, ayaw pataka.  Good luck

http://www.youtube.com/watch?v=uwc7RJ6W_PQ&feature=results_video&playnext=1&list=PL9E57FFEE317C3263