✪✪✪ AMONG MGA KAAGI…✪✪✪

Dondie Labajo's picture

-

Sa pagawas sa mga bitoon
Mao pud ang oras sa among pagtipon-tipon
Pero ang mga bituon matagak ug mahanaw raman
Apan ang among kalipay wala juy katapusan
-

Tinuod nga ang kalibutan kay walay kalinaw 
Basta kuyog nimo ang barkadang mga kurimaw
Mo hunong lang basta malabayag bato ni Ringo Star
Pero padayon japon sa pag-ihap sa falling star
-

Buslot man tuod ang among mga gutom nga bulsa
Pero perting busoga sa pagpangatawa
Dunay makahilak dunay puy makautot
Pero sagdi lang kami nalay mo sabot
-

Ang kagabhion kay napul-an sa among mga dagway
Tiaw mo na? buntag nalang wala japoy tugpahay
Kay lagi di mi ganahan nga katulgan ang tanan
Pero unsaon taman, hagok ra japoy padulngan
-

Dili na maihap sa tudlo ang mga maanindot nga kaagi
Kay lagi basta dalaga og batan-on pa sigi lang kay sigi
Kay basin ugma puhon mayng lawas tiguwang nami
May nalang wala mi’y mahayang segundo sa among kinabuhi
-

Busa ikaw nga nagbasa niini
Ayaw pugngi ang pagngisi
kay kini walay buhok
ug mo kalit lang nig panuktok 
-

--Donz 10/25/16