Sa kalisod sa kinabuhi karon, natural ra gayud nga mangita kita og sayidlayin.
Og mao kini ang mga trabaho nga ako rang dawaton:
 
1. Paglabada (Apil na ang paghayhay, pagbulkas, pagpamilo og dugang pamlantsa)
2. Pagluto (Ayaw kalimot sa paghatag sa link sa yochub sa gustong ipalutong putahe)
3. Mu-ayo og tubo (Tubo sa lababo)
4. Mu-ayo og pundir nga suga (Andam mukatkat bisan unsa pay katason sa kisami)
5. Musilhig, mutrapo og muhan-ay sa mga gubot.
6. Mudrayb og trak de karga og pwede sad sugoon og pagdeliber.
7. Despatsadora
8. Ol arawn mutsasa
9. Pagyaya (Mubantay og muatiman siyento pursiyento sa mga bata apil na ang pagpaligo, paghatod-kuha kanila sa eskwelahan, pagpakaon, paghagwa sa hilak kaayo nga bata, og pagpakatulog)
10. Pagpangumpra sa mga pang-adlaw adlaw nga kunsumo.
11. Pagpamanday
Og ang uwahing dyab order nga akong dawaton mao kini:
12. Pagpanlungkab sa kaugalingong panimalay.
 Akong Forte: Andam mudawat og tanang matang sa kasaba nga wala diri wala didto.
Sa mga agalon/amo nga nangita aning mga kuwalipikasyona, palihug lamang sa pagsumiter sa inyong mga biodata ilakip ang duha ka 2x2 piktyur og 1 whole body, bag-ong lukat nga NBI clearance og sertipikasyon sa pagkatawo ninyo ning kalibutana. Og ayaw kalimot sa pagsulat sa akong gipangayong gumalaysay (essay) kung ngano og angay kang mahimo nakong amo. Osa ka libo ra hinoon na ka pulong so sayon ra. Kabahin sa suweldo, unya nata maghisogt kun maeskedyul kana sa paynal interbyu.
Good luck sa mga mapilian!
Daghan Kaayong Salamat!
(Hehehe! Ang inyong mabasa usa ka pasi-aw lamang tungod sa kabudlay og kalaay...
Taod-taod sab kong wala makabisita ning atong balayan. Kumusta kamong tanan? Hinaot nga okey lang pod kamo! :)