Surigaonon Poem

Maiknat an jagan nan oras sa ako panan-aw
Giod nan panahon pugsanay ko na tag kalimtan
Nan mokuliot man gajud sa ako paghanduraw
Sa ijo, ako isulti an suyod nan ako dughan

Ija bayho, bagan danao sa ka hapsay tan awon
Kay an imo mga kalaay, ija man wayaon
Parehas nan langob nan Sohuton an ija mata
Nagtago nan misteryo, pero sa imo nag agda

‘Ton wa-it na dili laman magana pag hayokan
Maabtik isab sa pag estorya nan karajawan
Payad nija dili mahamis parehas sa iban
Pero sa kakugi, imo gajud sab masaligan

Lawas nija may kurba parehas isab sa iban
Ija abaga pirme sandiganan, tuwawanan
Nan mga higaya sa panahon nan ila kasubo
Andam pirme pag iban sa ila mga bakho

Sija an tagkayujag, tag ija inin dughan ko
Kay kan bisan sin o, sija pwede ikapasigarbo
Sa pagkahamok nila na mga kadayagahan
Sija ra man gajud an ako tag kayujagan

Nulabay na an mahamok na mga katuigan
Sa iban lugar na kami nagpundar ng kabuhian
Kun sumadahon mga pagbati ko hantud kuman
Sija pa gihapon an jari sa ilayom nan ako dughan
 

Comments

Comment viewing options

Select your preferred way to display the comments and click "Save settings" to activate your changes.
 Marajaw gajod ang imu by kalaganon (not verified)