Home › Blogs › 's blog

SMS PIA CARAGA

Thu, 09/08/2011 - 18:28 — Wail
 
SMS PIA CARAGA
 
Hepe sa ARESCOM nakighimamat sa mga reservist
        BUTUAN City - Si General Alex Albano, kumandante sa  Army Reserve Command (ARESC0M), mipasalig nga adunay mga maayong kalamboan sa ilahang unit karong panahona.
        Ang hepe sa ARESCOM Albano miduaw sa dakbayan sa Butuan ug mga lalawigan sa Agusan del Sur, Agusan del Norte, Surigao del Sur ug Surigao del Norte kaniadtong Dominggo diin iyang gihimamaty ang reserba ug regular nga mga pwersa, ingon man usab sa ROTC cadets.
Iyang gipasabot nga ang reserve force naga-operate subay sa prinsipyo sa bolunterismo. 
        Atol sa maong okasyon, si General Albano uban ni Col. Jonathan Ponce, regional commander sa ARESCOM, base sa dakbayan sa Cagayan de Oro. (uban sa report sa PIA-13)
 
Reservists sa AguSur  aktibo
        AGUSAN del Sur - MOKABAT sa 152 ka bag-ong reservists sa Armadong Kusog sa Pilipinas ang aktibo karon sa Agusan del Sur.
Matud ni Colonel Jonathan Ponce, kumandante sa ARESCOM sa Caraga Region, ang natungdang mga reservist  andam sa tanang panahon nga motabang sa environmental protection ug disaster risk mitigation sa probinsiya.
        Dugang ni Colonel Ponce sa maong gidaghanon, libo-an pa ka reservists sa tibook  nasod ang hilom nga nagabuhat sa lainlain nilang mga tahas. (uban sa report sa PIA-13)
 
DOJ gidayig ni Sen. Escudero
        MANILA – Gidayig ni Sen. Francis ‘Chiz’ Escudero ang Department of Justice (DOJ) tungod sa pagbukas og usab sa kaso sa gipatay nga si Dr. Gerry Ortega sa Palawan.
        Nagtoo si Sen. Escudero nga kini mosangpot sa paghatag og hustisya ngadto sa pamilya sa gipatay’ng doctor-magsisibya.
Naglaum usab siya nga madakpan sa mga otoridad ang mipatay kang Dr. Ortega sa labing daling panahon. Si Sen. Escudero maoy chair sa Senate Committee on Justice & Human Rights. (uban sa report sa PIA-13)
 
LasBueNasCar himoong produktibo
        SURIGAO del Norte –  Kinahanglan nga magmaproduktibo ang kalungsoran sa Las Nieves, Buenavista, Nasipit ug Carmen (LasBueNasCar),  Agusan Norte.
        Kini gilantaw ni Gov. Erlpe John Amante, kini mibutyag nga ang pagpalambo sa LasBueNasCar ipaagi sa co-management approach. 
Ang  LasBueNasCar maoy pinaka dili produktibo ug problematic nga kalungsoran sa Agusan Norte karong panahona kay masdaghan ang mga kabos sa maong mga dapit.
        Gilantaw ni Gov. Amante nga pinaagi sa co-management approach, magmaproduktibo na gayod ang LasBueNasCar), labaw pa kay sa ubang kalungsoran sa Agusan del Norte. (uban sa report sa PIA-13)
 
MinDA director batok kriminalidad
        SURIGAO City – Aron molig-on ang anti-crime campaign sa barangay Washington, ning dakbayan, boluntaryong gipaayo ni Mindanao Development Authority Director Jake Miranda ang naglubog nga motorsiklo sa barangay.
        Gihimo kini ni Director Miranda, uban sa pag-abag sa Miranda Family Hospital.
        Misaad usab siya nga mohatag og brand new nga motorsiklo alang sa peace and order activities sa maong barangay.
        Kini, gikalipay kaayo ni Washington Brgy. Chair Jun Edradan. (uban sa report ni Manny Kong/LGU-Surigao City Media Consultant)