Home › Blogs › 's blog

SMS PIA CARAGA

Wed, 09/07/2011 - 20:32 — Wail

Clean Ground, Zero Waste'  Caravan sa Butuan

           BUTUAN City – Mokabat sa 172 ka student-photojournalists  sa mga tunghaan sa Butuan, opisyal nga pakuhaon og hulagway sa 'Clean Ground, Zero Waste'  (CGZW) Caravan .
        Kini, sa petsa-11 ning bulana sa 38 ka barangays ug sa nag-unang kadalanan sa dakbayan.
Sila mo-exhibit dayon sa mga hulagway nga ilang makuha diha sa Fr. S. Urios University Gym diin pili-on ang Best 10 photos.
        Ang natungdang student-photojournalists gipili ni Over-all Project Coordinator Ma. Ruth Jugao.
Ang CGZW Project iyaha sa administrasyon ni City Mayor Ferdinand Amante Jr. (Uban sa report sa PIA-13)
 
Drug rehab pioneer miduaw sa Surigao
        SURIGAO City – Miduaw sa dakbayan sa Surigao Si Fr. Bob Garon, ang pioneer sa kampanya batok sa illegal drugs.  
        Iyang gipahigayon kaniadtong usang gabii ang drug symposium sa Hotel Tavern, uban sa na-rehab nga mga personalidad,  isip mga mamumulong.
        Sila naggikan sa Surigao City ug silingan nga mga dapit. (uban sa report sa PIA-13)
 
 
Weaving training sa kababayen-an sa Sibagat
        AGUSAN del Sur – Nagpahigayon ang Department of Science and Technology (DOST-Caraga) og training mahitungod sa advance handloom weaving sa lungsod sa Sibagat, Agusan del Sur.
        Ang maong training gitambongan sa ginsakpan sa Sibagat Weavers Association (SWA)
        Ang trainers naggikan sa Phil Textile Research Institute. (uban sa report sa PI-13)
 
Tinuy-an Falls sa Bislig palamboon
        BISLIG City – Nagtinguha karon ang gobyerno sa dakbayan sa Bislig nga mapuslan og maayo sa katawhan ang Tinuy-an Falls.
        Kagahapong adlawa, gikonsulta ni Bislig City Mayor Librado Navarro ang mga tribong Manobo ug Mandaya nga nanimuyo dool sa maong falls mahitungod sa pagpalambo  niini.
        Moabag sa proyekto ang Cypruss Bonamite Company, usa ka development consultancy firm.
        Ang Tinuy-an Falls nahimutang dili kaayo layo sa sentro ning dakbayan. (uban sa report ni Carlito Abar, City Info Officer)
 
Labing limpiyo nga mga barangay sa Tandag gipa-ila
        TANDAG City – Gibutyag na sa gobyerno sa dakbayan ang mga mananaug sa City Clean & Green Competition 2011.
       Ang unang ganti nakuha sa Barangay Mabua, P7 mil; ikaduha ang Barangay San Agustin, P5 mil; ug ikatulo ang Barangay Telaje, P3 mil.
       Ang proklamasyon gi-atol sa City Barangay Night diha sa Tandag City Gym, petsa-5 ning bulana. Nangulo sa proyekto si City Mayor Alexander Pimentel inabagan sa City Tourism Council.
       Ang City Clean & Green Competition kabahin sa tinuig nga pista sa dakbayan sa petsa-10 ning bulana. (uban sa report ni CDI0 Vic Cosare).
 
Mga mananaug sa NCPW giproklamar
        DAPA, Surigao Norte -  Gitapos ang selebrasyon sa National Crime Prevention Week (NCPW), petsa-6 ning bulana.
       Atol sa tulumanon diha sa municipal grounds, gitunol ang mga ganti ngadto sa Outstanding BPOC, ingon man usab sa mga mananaug sa Quiz Bee, Poster Making ug Essay Writing Contests. 
      Ang Brgy. Union nga napiling 2011 Outstanding BPOC, maoy morepresentar sa Dapa atol sa provincial contest karong bulana.
      Ang selebrasyon sa NCPW sa Dapa, gipaluyohan sa LGU, mga tunghaan ug mga barangay. (uban sa report ni Milken Beniga/DILG LGOO Dapa)
 
Caraga Region mosalmot sa World Trade Center exhibits
        BUTUAN City – Mosalmot ang Caraga Region sa upat ka adlaw nga trade & investment exhibit didto sa World Trade Center, Manila, Oktobre 14-17 ning tuiga.
Dungan sa exhibit ang komperensiya mahitungod sa pamatigayon ug ubang hisgotanan sa ekonomiya.
       Ang unom ka mga rehiyon sa Mindanao, hatagan og igong luna ug pagtagad atol sa nahisgotang trade & investment exhibit. (uban sa report sa PIA-13)
 
Ready na ang AguNte alang sa Baoto Fest
        AGUSAN Norte – Andam na ang probinsiya alang sa 10th Baoto Festival nga magsugod sa petsa-13 hangtud sa petsa- 16 ning bulana.
       Pinangulohan ni  Gov. Erlpe John Amante, ang 10th Baoto Festival ipahigayon diha sa lungsod sa Jabonga nga nahimutang kilid sa Lake Mainit.
       Aduna usay mga kalihokan nga himoon sa kalungsoran sa Kitcharao, Santiago ug Tubay.
       Ang maong mga kalungsoran, anaa usab sa palibot sa Lake Mainit nga maoy sentro sa 10th Baoto Festival. (uban sa report sa PI-13)