Samaran nga ‘amasona’ nadakpan

Sinulat ni Arjay S. Felicilda, Caraga Regional Bureau Chief

CABADBARAN City – Hapon sa petsa-11 ning bulana diha sa Sitio Subayun, Brgy Mahaba ning dakbayan, nabangalan sa ginsakpan sa Civilian Volunteers Organization (CVO) ang samaran nga babayeng sakop sa New People’s Army (NPA).

          Siya si Ginang Dedeth Maayo Enriquez, 28 anyos nga taga-Purok- 4, Brgy Mahaba.

Matud ni P/Supt. Martin Gamba, info officer sa Police Regional Office (PRO-13), si Ginang Enriquez usa sa mga na-igo atol sa engkwentro tali sa NPAs ug mga tropa sa Philippine Army, hapon sa Agosto 31 ning tuiga diha sa Sitio Lusong, Brgy Puting Bato, ning dakbayan.

Siya gipatambalan karon diha sa Philippine Army Hospital, dakbayan sa Butuan. (SPO1 Philip Amer Posas Mazo, PRO-13 Info Office/asf)