Home › Blogs › 's blog

NPA IKOMPROMISO SI DANO

Fri, 09/09/2011 - 23:06 — Wail

 

NPA ikompromiso si  Dano?

Arjay S. Felicilda, Caraga Regional Bureau Chief

Mindanao Daily Balita and BusinessWeek Mindanao

 

        NAGTOO  si Surigao del Sur Governor Johnny Pimentel nga gusto sa NPA nga himoong hisgotanan  sa negosasyon sa kalinaw ang isyu mahitungod sa pagdagit nila kang Lingig Mayor Henry Dano.
        Si Gov. Pimentel, chair sa Provincial Crisis Management Committee ug Task Force Dano, nagkanayon nga bisan sa mga hinangyo-ay pinaagi sa SMS/text uban sa iyahang kontak sa bukid, ang mga tawong naghupot karon kang Mayor Dano wala pay bisag gamay nga saad alang sa kaluwasan sa mayor ug duha ka bodyguards.
        Alang kaniya, "legitimate emissary” ang iyahang kontak, apan nagkagahi ug nagkalisod ang mga demanda sa NPA.
        Karong bag-o,   gipa-undang sa crisis committee ang ang military operations sa Davao Oriental, Comval Province, Bukidnon, Caraga Region ug halos sa tibook Mindanao tungod sa demanda sa NPA.
        Mi-uyon usab si Major General Victor Felix sa 4th Infantry Division, nga hunungon una ang operasyon militar, ilabi na sa mga dapit nga gitoohang gidalhan kang Mayor Dano ug iyahang mga sundalong bodyguards  nga sila si Cpl Desamparado ug PFC Saban.
        Sa pagkakaron, ang  Provincial Crisis Management Committee ug Task Force Dano nangita  og dugang mga paagi nga mabawi si Mayor Dano ug mga uban sa malinawon nga paagi. (uban sa report ni Mr. Greg Tataro Jr., Radyo ng Bayan/PIA-13)