No. 16 ‘wanted person’ sa Caraga nadakpan

Sinulat ni Arjay S. Felicilda, Caraga Region

CAMP Rafael Rodriguez, Libertad, Butuan City – Nasikop sa kapulisan sa Mati City, Davao Oriental ang usa ka Butuanon nga wanted sa kasong murder, buntag sa petsa-dos ning bulana sa barangay Mandang sakop sa maong dakbayan.

Siya si Mr. Leonardo Madelo Jr., alias “Leonard”,  43 anyos nga taga-Tungao, Butuan City. Siya patong sa ulo’ng P75 mil.

Matud ni P/Supt. Martin Gamba, info officer sa Police Regional Office (PRO-13), si Mr. Madelo mao ang No. 16 wanted person sa Caraga Region, sumala sa DILG Memorandum Circular (MC) 2002-39.

Ang nakasikop kaniya mao ang ginsakpan sa 13^th Regional Criminal Investigation and Detection Unit (RCIDU) ug Regional Intelligence Division (RID), uban sa Mati City, CIDT, pinasikad sa warrant of arrest nga gi-isyu ni Judge Godofredo B Abul Jr. sa RTC, Branch 4, Hall of Justice, Libertad, Butuan City.

Siya gikustodiya karon sa 13^th RCIDU, ning dakbayan sa Butuan, nagkanayon si P/Supt. Gamba. (PO2 Darlin Cabalinan-Migullas, Duty PNCO/asf)