AGUSAN del Sur - Usa ka nurse nga taga-Prosperidad ning lalawigan makaapil sa  38th Ship for Southeast Asian Youth Program (SSEAYP).

Si Mr. Ed Anthony P. Lapay, uban sa 28 ka laing Filipino youth leaders, nakapasar sa higpit kaayong screening sa SSEAYP nga mosakay sa MS Fuji Maru cruise liner, Oktober 26 - Disyembre 16 ning tuiga.

Siya ang bugtong taga-Caraga Region nga makaapil niini nga programa nga salmotan sa 300 ka mga batan-on gikan sa kanasurang sakop sa Association of SouthEast Asian Nations (ASEAN).

Sulod sa 52 ka adlaw, sila mobiyahe sa Manila; Muara, Brunei Darussalam; Jakarta, Indonesia; Port Klang, Malaysia; Ho Chi Minh, Vietnam; ug uban pa.

Tumong sa programa ang pagpahugot ug pagpalambo sa relasyon ug kahibalo sa kabatan-onan sa ASEAN. (uban sa report sa PIA -13)