Pahiyom gihapon bisan nagkagidlay
Basta adunay bag-o nga tahas
Naa kanunay ang kulba-hinam sama niini…
Basahi ko bisan unsa sa lain nga lenggwahe
Di ba ka-ubo ka sa sakto nga aksent ug mensahe.
Apan, pahiyom gihapon bisan nagkagidlay.
Paminawa ang mga kukabildo nga nagpalibot nimo sa kalsada
Ug masunggo ka sa estilo sa pagsyagit ug pamalikas nga nagkadaiya
Sultihi sila nga interesado ka sa storya sa ilang kinabuhi
Ang uban maghilom lang apan ang kadaghanan moingon “pahawa diha bi”.
Unsa pa, pahiyom gihapon bisan nagkagidlay.
Ipasulat ang mga pulong ug mga kasinatian nga nagpakita sa ilang mga nakat-onan
Mas mosugot pa sila nga mostorya ug ikaw ilang sekretarya
aron dili masukna ang dako nga kakulangon sa pagtagik sa mga letra.
Ginhawa og lawom, pahiyom gihapon bisan nagkagidlay.
Pamugna og proyekto nga sila mainteresado aron mohandus nila sa kalamposang gipangandoy
Dakung kadaugan kung ang kadaghanan magtamod sa talamdan nga giasoy.
Sama usab kanako karon
Nagmugna ning balak, nanikaysikay
Aron ipamantala sa unang panahon
Dili sayon, apan pahiyom gihapon bisan nagkagidlay.
 
 
Wengranoco
Teacher without borders
Currently teaching in Baltimore City MD