Most wanted person sa Caraga nasikop na

Sinulat ni Arjay S. Felicilda, Caraga Regional Bureau Chief

BUTUAN City – Nasikop  sa ginsakpan sa Butuan City Police Office Intelligence Branch ug sa Butuan City Public Safety Company ang usa sa pinaka-idlas nga tawo sa Caraga Region.

Siya si Mr. Allan Marquez Lagangga, 41 anyos nga taga-Doña Telesfora, Kantikol, Tubay, Agusan Norte, kinsa nag-atubang sa mga kasong murder, robbery ug robbery with violence and intimidation sa Cabadbaran City sukad kaniadtong tuig 2006 ug 2008. Siya nasikop sa sayong udto sa petsa-11 ning bulana diha sa Gingoog City Gallera.

Sila si  Judge Francisco Maclang ug Judge Dax Gonzaga Xenos sa Cabadbaran City maoy mi-isyu sa warrants of arrest batok kang Mr. Lagangga.

Subay sa DILG Memorandum Circular Nr 2006-28, ang nakatudlo tumong sa pagkasikop kaniya may ganting P14O mil. (uban sa report ni SPO1 Philip Amer Posas Mazo, PRO-13 Info Office)