gamay pa kong bata, dili ko makalimtan,
kanunay guyuron ko sa akong apohan,
padulong sa baraderohan kay,
manginhas mi sa hunasan,

agi niadtong anupogong kalsada,
padulong sa caltex lugar sa lo-oc,
bisan ang kaiinit sa udtong totok,
dili namo mabati kay ang kahinam
sa limpyong hunasan.

apan karon wala na, puro na ata,
bahong gasolina, bunker oil nga ata,
hugaw na ang lugar dili na masingo,
kinhason walana, kinaiyahan hapay na.

abuno nga copper slag, ug tayaong puthaw,
maoy mipuli sa lim-aw nga daghan ug isda,
hilo sa kinaiyahan ang gipuli sa hunasan,
asa naman ka padulong o hunasan?