Home › Blogs › 's blog

Mga ‘ekstorsiyonista’ kasohan sakapulisan

Thu, 09/08/2011 - 18:56 — Wail

 

Mga ‘ekstorsiyonista’ kasohan sakapulisan
Arjay S. Felicilda, Caraga Regional Bureau Chief
MINDANAO DAILY BALITA
 
        CANTILAN, Surigao del Sur – Gi-andam na ang kasong ‘robbery with violence or intimidation of person’ batok sa duha ka gitumbok nga ‘ekstorsiyonista’.
Kini nga kaso nagsugod sa dihang si Magpapatigayon Lionel Marquez Michao, 26 anyos nga tag-iya sa Mitchao Motor Parts sa Brgy Pag-antayan mireport sa kapulisan nga siya gikilkilan og P30 mil.
Matud niya, gawas sa extortion letter kaniadtong hapon sa petsa—uno ning bulana, nakadawat usab siya’g text messages sa pagpangilkil.
Pagkadawat sa maong report, ang kapulisan pinangulohan ni SPO3 Warlito Cale ug intelligence personnel sa Surigao Sur Police Provincial Office, pinangulohan ni P/Ins Elmar Clarit, milihok ug wala madugay ilang nasignit si Mr. Vivinceo Cometa Tagupa, 31 anyos, habalhabal driver ug taga-Brgy Pag-antayan, Cantilan.
Si Mr. Tagupa nasikop samtang nagpick-up sa marked money gikan sa sulod sa Mitchao Motor Parts. Sa pagdagan sa imbestigasyon, nasuta nga si Mr. Tagupa gisugo ni Mr. Michael Dorado Huelma, kinsa nasikop usab dayon sa kapulisan.
Silang duha pasakaan og sumbong sa hukmanan.(PO2 Darlin Cabalinan-Migullas, Duty PNCO/asf)