LIGID (via DSB)

Pulong Bisaya's picture

Agianan sa mga ligid,
Kalsada'ng may daghang bakilid,
Gipangtabas mga bukid,
Mga kurbada, mga tul-id.

Nagsakay ko sa mga balod,
Pag-angkas ko sa iyang likod,
Pagsaka ngadto sa panganod,
Sa pagnaog, ako naanod.

Ang mga tag-as na kahoy,
Bugnaw na hangin nitaghoy,
Di mabatyag ang kakapoy,
Mawala ang pagkaminghoy.

Kuyog sa mga kadungan,Tuyok muhunong sa dalan,
Kay paangkason ang uban,
Ug ipadayon ang dagan,
Hangtod sa among paeng-nan.

‪#‎PulongBisaya‬