dili ko eksperto ning butanga ambot ning yati

gugma siguro nagsugod sa usa ka pagbati

moabot kanimo kalit lang nga wala tuyua

mahibulong na lang ka pagmata mo In-love na ka

hinigugma pirmi naas utok lisud ikato'g

dughan moulbo kasingkasing kusog ang tugatog

kung kaatubang ang minahal kaw kuno mangurog

magkadipodipo ug ang baba di na mairog

di kumpleto ang adlaw kung minahal di malantaw

kasingkasing mingawon kada oras kada adlaw

ang iyang pangan kanindot tawon gayud litokon

daw sonata sa dunggan kung kini balikbalikon

todo paporma kaw gayud kung mogawas sa balay

kay basin ang hinigugma sa dalan igkalabay

may unta madayeg ang sanina nga ukay-ukay

aron ang kwarta nga gipalit dili ikamahay

abtik ikaw kung ang minahal naa sa palibot

ang lawas kusgan paspas mura kag usa ka robot

apan kun mag-inusara pirmi nanghinuktok

gipangandoy iyang kasingkasing imong mahantok

kung mahibaw na ang hinigugma may pagbati sab

kalipay hilabihan mura ka og makalupad

mahigmata ka abi mo bag-o nga kalibutan

ang panganud langgam ug buwak imo nang makit-an